तमू धीं युकेका निवर्तमान अध्यक्ष ज्ञाम गुरुङका पिता क्षेसराज गुरुङको निधन, आजै अन्त्येष्टि गरिने

तमू धीं युकेका निर्वतमान अध्यक्ष ज्ञाम गुरुङलाई पितृशोक परेको छ । उहाँका पिता क्षेसराज गुरुङको आज ८६ वर्षको उमेरमा चरक मेमोरियल हस्पिटल पोखरामा उपचारको क्रममा निधन भएको हो ।

पर्वतको फलेबास नगरपालिका वडा नं. ८ साविक ठानामौला गाविस वडा नं.७ खाल्टे हर्राबोट स्थायी घर भई हाल पोखरा महानगरपालिका वडा नं. ९ नयाँबजार प्रदर्शनी मार्गमा उहाँ परिवार सहित बसोबास गर्दै आउनु भएको थियो ।

करिब डेढ दशक अघिदेखि पक्षघात लगायतको स्वास्थ्य समस्यामा रहेका स्वर्गीय गुरुङको पिसिआर टेष्ट गर्दा नेगेटिभ रिपोर्ट आएपछि आजै बौद्ध अर्घौ सदनमा अन्त्येष्टि गरिने भएको छ ।

स्वर्गीय गुरुङको २ छोरी र ४ जना छोरा मध्ये जेठा छोरा ज्ञाम गुरुङ फोक्टन युके निवासी तमू धीं युकेका निवर्तमान हुनुहुन्छ ।