होचा व्यक्तिको रुपमा विश्व कीर्तिमान राख्न सफल खगेन्द्र थापामगरको निधन

होचा व्यक्तिको रुपमा विश्व कीर्तिमान राख्न सफल खगेन्द्र थापामगरको निधन

विश्वकै होचा व्यक्तिको रुपमा आफनो नाम दर्ज गराउन सफल राखेका खगेन्द्र थापामगरको निधन भएको छ ।

मगरको शुक्रवार दिउँसो मणिपाल शिक्षण अस्पताल पोखरामा २८ वर्षको उमेरमा निधन भएको हो । स्वास्थ्यमा समस्या देखिएपछि बिहीबार राती १२ बजे खगेन्द्रलाई अस्पताल भर्ना गरिएको थियो ।

मणिपाल अस्पतालको सघन उपचारकक्ष (आइसियु) मा भर्ना भएका थापामगरलाइ शुक्रवार दिउसो करिव ३ बजे चिकित्सकको टोलीले मृत घोषणा गरेको खगेन्द्र थापामगर प्रतिष्ठानका अध्यक्ष मीनबहादुर राना मगरले जानकारी दिनुभयो ।

खगेन्द्रमा मुटुको समस्या थियो । स्वाशप्रश्साव, हेमोग्लोबिन कमी, सेतो रगत आवश्यकभन्दा बढी हुने समस्या खगेन्द्रमा रहेको प्रतिष्ठानका अध्यक्ष रानाले जानकारी दिनुभयो ।

खगेन्द्रको जन्म बाग्लुङ धुल्लुवासकोट ६ मा भएको हो । २०६७ असोज २८ गते विश्वकै होचा व्यक्तिको रुपमा ‘गिनिज बुक अफ वल्र्ड रेकर्ड’ मा नाम लेखाउन सफल भएका थिए । त्यतिबेला थापा ५७ सेन्टिमिटर अर्थात् २२ दशमलव ०४ इन्च थिए ।

थापा १६ वर्षको उमेरदेखि पोखरा सिर्जना चोकमा बस्दै आएका थिए । रूपबहादुर थापामगर र धनमाया थापामगरबाट खगेन्द्रको धुल्लुबासकोट ६ मा १८ असोज २०४९ मा जन्म भएको थियो । जन्म भएको बेला खगेन्द्र मात्र ६०० ग्रामका थिए ।

उनको वजन ५.५ किग्रा मात्र रहेको थियो । थापाको शनिबार मणिपालदेखि बौद्ध अघौं सदन रामघाटमा अन्त्येष्टि गरिने प्रतिष्ठानका अध्यक्ष रानामगरले जानकारी दिनुभयो ।

साझा गर्नुहोस् : Share It :

Sustainability in business practices is increasingly important Explore articles on environmentally friendly initiatives and sustainable business practices on Iraq Business News