व्यवहारिक साक्षरता तथा सीप विकास सम्बन्धी तालिम सम्पन्न

पोखरा उपत्यका भित्र बसेर विभिन्न वर्कसप तथा ग्यारेजमा काम गर्ने १६ वर्ष मूनिका बालबालिकाहरुलाई उनीहरुको व्यवहारिक साक्षरता तथा सीपलाई विकास गर्ने उद्धेश्यले ३ महिने ग्राईजुएसन कोर्ष तालिम प्रदान गरिएको छ । पोखरा उद्योग वाणिज्य संघको आयोजना तथा बाल हितकारी परियोजना नेपाल र किडासाको सहकार्यमा ५० भन्दा बढि बालबालिकाहरुलाई सीप विकास सम्बन्धि तालिम दिईएको पोखरा उद्योग वाणिज्य संघ बाल श्रम न्यूनिकरण कार्यक्रम परियोजना संयोजक प्रिती पाण्डेले जानकारी दिनुभयो ।

शनिबार बालहितकारी परियाजना नेपालका प्रोजेक्ट अफिसर दिपेन्द्र आचार्य र किडासा नेपाल प्राजेक्ट अफिसर रमेश बाँस्तोलाले २८ जना बालबाललिकाहरुलाई प्रमाणपत्र वितरण गर्नुभएको छ । प्राजेक्टद्धय दिपेन्द्र आचार्य र रमेश बाँस्तोलाले व्यवहारिक सारक्षरता हासिल गरिसकेपछि त्यसलाई सही समयमा सदुपयोग गर्नुपर्ने बताउँनु भयो भने पाएको सीपलाई सही ठाउँमा उपयोग गर्नुपर्ने बताउँनु भयो ।

कार्यक्रममा युथ क्लबका अध्यक्ष सन्जु सुनारले ३३ जना बालबालिकाहरुलाई वर्कसप तथा ग्योरेजमा काम गर्दा लगाईने चस्मा वितरण गर्नुभएको थियो । पोखरा मा २१८ जना बालबालिका वर्कसप तथा ग्योरेजमा काम गर्ने गरेका छन् ।