स्वतन्त्र पत्रकार संघ रुपन्देही शाखाको अध्यक्षमा पहाडी

स्वतन्त्र पत्रकार संघ रुपन्देही शाखाको अध्यक्षमा अनिल पहाडी चयन भएकाछन् । रुपन्देही शाखाको वुटवलमा शनिबार सम्पन्न भएको तेश्रो अधिवेसनले पहाडीको अध्यक्षतामा १५ सदस्य नयाँ कार्यसमिति चयन गरेको हो ।

त्यसै गरी उपाध्यक्षमा चक्रपाणी डुम्रे, सचिवमा बिष्णु कुंवर, सहसचिव छविन्द्र भण्डारी, कोषाध्यक्षमा प्रेम बुढाथोकी, सहकोषाध्यक्षमा अम्विका थारु र सदस्यहरुमा मोहन के.सी., विनोद विष्ट, विमल भट्टराई, मनिसा अधिकारी, सुमि पन्त, ईन्दिरा हमाल, विजय लक्ष्मि खनाल, सरु वाग्ले र मिलन पंगेनी चयन भएका हुन ।

त्यस्तै राष्ट्रिय पार्षदमा राजेन्द्रजंग रायमाझि, उल्टो साईल यात्री विरेन्द्र पाण्डे, बाबुराम गैरे, दिनेश कुमार श्रेष्ठ, असोक गौतम क्षितिज र सिता दर्नाल चयन भएका हुन्। प्रदेश पार्षदमा सुदिप ढकाल, गोविन्द रसाईलि, ईश्वर पौडेल, प्रिया अधिकारी, रमेश शिलुवाल, दिवस विष्ट र सन्तोस पुन चयन भएका छन।

संघका राष्ट्रिय महासचिव नवराज पहारीको संयोजकत्वमा निर्वाचन कमिटि गठन भएको थियो । उक्त समितिको सदस्यमा गण्डकी प्रदेश संयोजक दीननाथ बराल र अर्घखाँची शाखाका राष्ट्रिय पार्षद डि.आर.सुमन रहेकाथिए ।

यस अघि, उक्त अधिवेसनको उद्घाटन गर्दै प्रदेश नँम्बर ५ का सांसद कमलादेवि विश्वकर्माले सत्य, तथ्य र खोजमुलक पत्रकारिता आज आवश्यकता भएको बताईन्। पत्रकारले स्वतन्त्र ढंगबाट सरकारलाई समेत मार्ग दर्शक हुने गरी कलम चलाउन आग्रह गरिन् ।

संघका केन्द्रिय अध्यक्ष कृष्णप्रसाद बाँस्तोलाले संघको हालसम्म १६ जिल्लामा शाखा विस्तार भएको बताउदै आगामी वैशाख १६ गते राष्ट्रिय महाधिवेसन गर्ने तयारी सुरु गरेको जनाए । उनले जनताको स्वतन्त्रताको रक्षा गर्ने पत्रकार निष्पक्ष हुनु पर्नेमा जोड दिए । रुपन्देहीका अग्रज पत्रकार बाबुराम अधिकारीले लहर लहरमा कसैले पत्रकारिता गर्न नहुने त्यसलाई राम्रोसंग बुझेर गर्न आग्रह गरे ।