ताजा खबर

तनहुँ कांग्रेसमा जोशी निकट समानान्तर कार्यसमिति गठन

   ९ माघ २०७५, बुधबार ०८:२४      631 views

तनहुँ : नेपाली कांग्रेसका पूर्व सह महामन्त्री गोविन्दराज जोशीनिकट समूहले तनहुँमा समानान्तर कार्यसमिति घोषणा गरेको छ । सदरमुकाम दमौलीमा भेला भएका जोशीनिकट कार्यकर्ताले खुला मैदानमा एक कार्यक्रम गरी समानान्तर कार्यसमिति घोषणा गरेका हुन् ।

जोशीकै उपस्थितिमा डिल्लीराम अधिकारीको नेतृत्वमा कार्यसमिति घोषणा भएको हो । अधिकारी यसअघि तत्कालिन क्षेत्र नम्बर ३ को कांग्रेस सभापति थिए । सचिवमा चिनु पोखरेल र कोषाध्यक्षमा बालकृष्ण पौडेलको नाम घोषणा गरिएको हो ।

कार्यक्रममा बोल्दै नेता जोशीले आफूले नौजनाबाट जिल्लामा पार्टी संगठन थालेको भन्दै वर्तमान नेतृत्वको हैकमवादी नेतृत्वले पार्टी कमजोर बनेको आरोप लगाएका थिए ।


साथै कांग्रेस वरिष्ठ नेता रामचन्द्र पौडेलले पार्टीमा एकलौटी गरेको भन्दै अब त्यसलाई ताड्ने जोशीले चेतावनी दिएका थिए । नेता पौडेलप्रति लक्षित गर्दै उनले भने, ‘अब तनहुँमा कसैले एकलौटी गर्न पाउने छैन । एकलौटी गर्नेलाई कार्यकर्ताले तह लगाइदिएका छन् ।’

कार्यक्रममा जिल्लाका विभिन्न भागबाट कांग्रेसका कार्यकर्ता उपस्थित थिए । खुला मञ्चमा कार्यसमिति घोषणापछि पार्टी कार्यालय प्रवेश गर्न लागेको समूहलाई प्रहरीले रोकेको थियो । कार्यक्रममा सम्भावित झडपलाई रोक्नका लागि ठूलो संख्यामा प्रहरी परिचालन गरिएको थियो ।

कांग्रेस जिल्ला कार्यसमितिले भने कार्यक्रम हुनुभन्दा दुई दिनअघि नै यो अधिवेशन अवैध भएको टिप्पणी गरिसकेका छन् । सभापति शेरबहादुर देउवा र महामन्त्री डा. शशांक कोईरालाले समेत पार्टीको विधानअनुसार नै असन्तुष्टि राखिनुपर्ने भन्दै जोशी समूहको भेलालाई अवैध भनेका थिए ।

पार्टी वरिष्ठ नेता पौडेल र पूर्व सहमहामन्त्री जोशी पक्षबीच लामो समयदेखि द्वन्द्व छ । प्रतिनिधिसभा चुनावमा टिकट नपाएपछि बागी उमेद्वार बनेका जोशीको उमेद्वारी रामचन्द्र पौडेलकै उजुरीमा खारेज भएको थियो ।
अन्नपुर्ण पोष्टबाट

0 0 vote
Article Rating

आजको खबर

Follow Us


साह्रै मज्जाको लेख, आनन्द आयो, आफ्नै गाँउघर पनि सम्झे । धन्य एकेन्द्र सर

Written by Biswasdip Limbu 2020-05-01 22:46:38

outstanding biography of yukta dai, may him long live

Written by ram chandra gurung 2020-01-08 02:54:15

Great achievement, kudos All Gurungs!!!

Written by Aalok Ghonday Ghotaney Konmey 2019-07-09 20:19:54

उस्तै खबर

0 टिप्पणी

Subscribe
Notify of
guest
0 Comments
Inline Feedbacks
View all comments


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ

बजार व्यवस्थापक: रमेश गुरुङ

Find Us

Stay connected and report to us!


NayaBazar, Pokhara, Nepal
+977-9846637284

Shares
0
Would love your thoughts, please comment.x
()
x
%d bloggers like this: