म्ले क्यु चलचित्रको युनिट हङकङमा

तमू चलचित्र म्ले क्यु (बिर्साउने पानी) को टोली हङकङ आइ पुगेको छ । यहि मार्च ३ तारिखमा हङकङमा प्रदर्शन हुन लागेको चलचित्रको प्रचार प्रसार र चलचित्रको प्रदर्शन सफल पार्नको लागि टोली हङकङमा आईपुगेको चलचित्रका निर्देशक जसु गुरुङले जानकारी दिनुभएको छ ।

हिजो साँझ हङकङ अन्तराष्ट्रिय विमान स्थलमा चलचित्रको टोलीलाई आयोजक संस्था हङकङ नेप्लिज तेक्वान्दो फ्रेडनशनका संस्थापक मास्टर गणेश गुरुङ, युवा व्यवसायी निरञ्जन गुरुङ, मिडिय पार्टनर एचके दर्पण डटकम लगायतको टोलीले भव्य स्वागत गरेको थियो ।

स्टार्स स्टुडियोको व्यानरमा निर्माण भएको चलचित्र म्ले क्यु यहि मार्च ३ तारिखमा यउम ताई कम्युनिटि हल जोडनमा साँझ ६ बजे प्रदर्शन हुने भएको छ । चलचित्र हेर्न उपस्थित भईदिनुहुन चलचित्रका निर्देशक जसु गुरुङले हङकङ निवासी सबै नेपाली समुदायलाई आवहान गर्नुभएको छ ।

चलचित्र प्रदर्शनको लागि नायिकद्धय रिया गुरुङ र धनमाया गुरुङ तथा फाइनान्स म्यानेजर रोशनी गुरुङ पनि हङकङ आईपुगेको हो ।

गुरुङ जातिको मृत संस्कारसँग सम्बन्धित रहेको चलचित्रमा रोशन गुरुङको कथा, जसु गुरुङको निर्देशन रहेको छ भने माओत्से गुरुङ, रिया गुरुङ, रोनित गुरुङ, विरमाया गुरुङ, प्रतिमा गुरुङ लगायतको कलाकारहरुको अभियन रहेको छ ।