ताजा खबर

नारी दिवसमा बृद्धा शेयर सदस्यहरु सम्मानित

   २४ फाल्गुन २०७५, शुक्रबार २२:०१      1,216 views

पोखरा १३ संगमटोलस्थित फयाफुल्ला बिकल्प महिला वचत तथा ऋण सहकारी संस्था लिमिटेडले शुक्रवार १०९ औं अन्र्तराष्ट्रिय श्रमिक नारी दिवस मनाएको छ। मार्च ८ तारिख अन्र्तराष्ट्रिय श्रमिक नारी दिवसको अवसरमा आयोजित शुभकामना आदानप्रदान तथा सम्मान कार्यक्रममा सहकारीका बृद्धा शेयर सदस्यहरुलाई दोसल्ला ओढाएर सम्मान गरिएको थियो।


संगमटोलस्थित तामाङ बौद्ध सेवा समितिमा आयोजित कार्यक्रममा सम्मानित बृद्धा शेयर सदस्यहरु बुद्धिमाया वाइबा, फुलमाया तामाङ, सुकमाया तामाङ, टुकुमाया तामाङ, ननसुबा तामाङ, देवी तामाङ, पुर्णिमाया तामाङ लगायत कार्यक्रमका प्रमुख अतिथि अधिवक्ता जुनाकुमारी गुरुङले दोसल्ला ओढाएर सम्मान गर्नुभएको हो।


कार्यक्रममा प्रमुख अतिथि अधिवक्ता गुरुङले दीप प्रज्वलन गरी कार्यक्रमको उद्घाटन गर्नुहुदै अन्र्तराष्ट्रिय श्रमिक नारी दिवसको ऐतिहासिकता, नारीहरुको वर्तमान अवस्था, संशोधित मुलुकी ऐनमा महिलाको अधिकारबारे प्रशिक्षणात्मक मन्तव्य व्यक्त गर्नुभएको थियो। शिक्षा, मिहिनेत वा संघर्ष, सचेतना, सशक्तिकरण र एकताबाटै महिलाहरु अघि बढ्न सक्ने उहाँको भनाई थियो। महिला माथिको विभेद, दुव्यवहार, हिंसा अन्त्य गर्दै श्रमको सम्मान, स्वाभिमानका लागि एक भएर अघि बढ्नुपर्नेमा उहाँको जोड थियो।

पत्रकार हुमबहादुर गुरुङले शुभकामना व्यक्त गर्नुुहुदै महिलाले सम्मान र समानता महसुस गर्न सकेमा मात्र समुदाय, समाज र मुलुकले फड्को मार्ने बताउनुभयो। पितृसत्तात्मक सोंचले महिला दबिनु पर्ने र महिला भित्र पनि एकले अर्कालाई हेला गरिरहने अवस्थाको अन्त्य जरुरी छ भन्नुहुदै आमा र सासु, छोरी र बुहारी एकै हुन भन्ने मानसिकताको विकास गर्न आवाश्यक रहेको उहाँको भनाई थियो।


राष्ट्रिय आदिवासी जनजाति महिला महासंघ कास्कीका सचिव मिनमाया तामाङले शुभकामना व्यक्त गर्नुहुदै आफैले आफैलाई सम्मान गर्न सके अरुलाई सम्मान गर्ने वातावरण बन्ने बताउनुभयो।
सहकारीका अध्यक्ष बिष्णु तामाङको अध्यक्षतामा भएको कार्यक्रममा उपाध्यक्ष शान्ति तामाङले स्वागत र सचिव पवित्र तामाङले कार्यक्रम संचालन गर्नुभएको थियो।

0 0 vote
Article Rating

आजको खबर

Follow Us


साह्रै मज्जाको लेख, आनन्द आयो, आफ्नै गाँउघर पनि सम्झे । धन्य एकेन्द्र सर

Written by Biswasdip Limbu 2020-05-01 22:46:38

outstanding biography of yukta dai, may him long live

Written by ram chandra gurung 2020-01-08 02:54:15

Great achievement, kudos All Gurungs!!!

Written by Aalok Ghonday Ghotaney Konmey 2019-07-09 20:19:54

उस्तै खबर

0 टिप्पणी

Subscribe
Notify of
guest
0 Comments
Inline Feedbacks
View all comments


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ

बजार व्यवस्थापक: रमेश गुरुङ

Find Us

Stay connected and report to us!


NayaBazar, Pokhara, Nepal
+977-9846637284

Shares
0
Would love your thoughts, please comment.x
()
x
%d bloggers like this: