तमू प्ये ल्हु संघमा पिरु त्हेँ सम्पन्न

तमू प्ये ल्हु संघ केन्द्रिय समितिले प्रत्येक वर्ष चैत्र महिनाको पहिलो मङगलबार आयोजना गर्दै आएको पिरु त्हँे पूजा यसवर्ष पनि हिजो संघकै कार्यालय शक्तिघाट पोखरामा सम्पन्न भएको छ ।

तमू परम्परा अनुसार तान्त्रिक विधिको माध्यमबाट घर परिवार समुदाय र देशको रक्षाका लागि तथा मृत आत्मा पितृहरुको मोक्षको लागि संघले हरेक वर्ष चैत्र महिनाको पहिलो मङगलबार यसप्रकारको त्हँे आयोजना गर्दै आएको संघ केन्द्रिय महासचिव शान्ति पर्जु तमूले जानकारी दिनुभयो ।

यसवर्षको त्हेँ तमू प्ये ल्हु संघका केन्द्रिय सदस्य तथा क्होला दिप तमू समाजका अध्यक्ष पच्यु गुरु भिमबहादुर क्रोम्छै तमूको नेतृत्वमा सम्पन्न भएको हो । यसका अलावा पच्यु खेगीहरु अर्जुन क्रोम्छै तमू, एकबहादुर क्रोम्छै तमू, हुमबहादुर क्रोम्छै तमू र सुदिप क्रोम्छै तमू पूजामा सहभागि भएका थिए ।

त्हेँ कै अवसर पारेर संघले गत पुस पन्ध्रमा आयोजना गरिएको वृहत फो ल्होसार कार्यक्रममा सहयोग गरेका विभिन्न व्यक्तित्वहरुलाई सम्मान गरिएको थियो ।