तमू प्ये ल्ह संघ जिल्ला कार्य समिति कास्कीको आयोजनामा आज पोखरामा पाँचौ वृहत अन्तर तमू समाज एकल तथा सामुहिक में त्हले प्रतियोगिता तथा प्लस टु उत्र्तिण विद्यार्थी सम्मान कार्यक्रम भएको छ ।
संघको कार्यालय शक्तिघाट पोखरामा हिजो भएको मेंत्हले (आर्चरी खेल) प्रतियोगिताका एकल तथा सामुहिक तर्फको बिजेता खेलाडीहरुलाई आज पुरस्कार वितरण गरिएको हो ।
प्रतियोगितामा एकल तर्फ प्रथम हुन सफल छवि तमू, द्धितिय शिव तमू, तृतिया अमर तमू तथा सान्त्वान हुन सफल गणेश तमूलाई नगद पुरस्कार सहित प्रमाण पत्र प्रदान गरिएको छ । यस्तै सोहि खेलमा सामुहिक तर्फ तमू हे तमू समाज समुहक क प्रथम, क्होला दिप तमू समाज द्धितिय, स्याङजाली तमू समाज तृतिया र तमू हे तमू समाज समुह ख सान्त्वान हुन सफल हुँदै नगद पुरस्कार तथा प्रमाण पत्र प्राप्त गरेको छ ।
संघले तेक्वान्दोका राष्ट्रिय खेलाडी रेखमाया तमू र भारत्तोलन खेलका राष्ट्रिय खेलाडी टिकामाया तमूलाई पनि दोसल्ला र ताम्रपत्रले सम्मान गरेको छ ।
यस्तै आर्चरी खेलका राष्ट्रिय खेलाडी तथा हिजो सम्पन्न मेंत्हले खेल प्रतियोगिताका प्रशिक्षक अमृत तमूलाई पनि नगद पुरस्कार र सम्मान पत्रले सम्मानग गरेको छ ।
यसैबीच तमू प्ये ल्हु संघ जिल्ला कार्य समिति कास्कीले कास्की जिल्लाभर विभिन्न कलेजबाट कक्षा १२ को परिक्षामा उत्कृष्ट नतिजा ल्याई उत्र्तिण हुन सफल तमू विद्यार्थीहरुलाई आजै सम्मान गरेको छ ।
सम्मानित विद्यार्थीहरुमा ज्योती तमू, विशाल तमू वर्ष तमू, सन्ध्या तमू, सनिला तमू, प्रविन तमू, अनिसा तमू, अकाङक्षा तमू, अभिनास तमू, मनिला तमू लगायत रहनु भएको छ । उक्त विद्यार्थीहरुलाई पुरस्कारका अक्षयकोष दाता दिलमाया ल्हेगे तमूले पुरस्कार प्रदान गर्नुभएको थियो ।
यस्तै सोही कार्यक्रममा कक्षा १२ को परिक्षामा सर्वोउत्कृष्ट नतिजा ल्याउन सफल अशोक तमू र सृजना घलेलाई क्रिश्यिम स्मृति अक्षयकोषबाट नगद पुरस्कार सहित सम्मान पत्र र दोसल्लाले सम्मान गरेको छ ।
सम्मानित विद्यार्थी सृजना घलेले छोरा शिक्षित भएमा आफू मात्र शिक्षित हुने र छोरी शिक्षित भएमा पुरै परिवार शिक्षित हुने भन्दै छोरा र छोरीको पढाईमा भेदभाव नगर्न सबै अभिभावकमा आग्रह गर्नुभयो । कार्यक्रममा विजेता खेलाडी र विद्यार्थीहरुलाई कार्यक्रमका प्रमुख अतिथि तमू प्य ल्हु संघका केन्द्रिय अध्यक्ष हितकाजी टु तमूले पुरस्कार वितरण गर्नुभएको थियो ।
सो अवसरमा बोल्दै प्रखुम अतिथि हितकाजी तमूले बेला बखत भईहरने यसप्रकारको सम्मानले विद्यार्थी र खेलाडीहरुमा नयाँ जोस र जाँगर उत्पन्न हुने भन्दै यो सकरात्मक कामको लागि आयोजकलाई आभार व्यक्त गर्दै सम्मानित विद्यार्थी र बिजेता खेलाडीहरुको उज्वल भविष्यको कामना गर्नुभयो ।
कार्यक्रममा तमू प्ये ल्हु संघ जिल्ला कार्य समिति आमा समुका अध्यक्ष अनिता तमूले सबै सम्मानित व्यक्तित्वहरुको प्रगतिको कामना गर्नुभयो । तमू प्ये ल्हु संघ कास्की जिल्ला समितिका अध्यक्ष उमबहादुर प्हच्यु तमूको अध्यक्षतामा सम्पन्न भएको कार्यक्रमको सञ्चालन सचिव विष्णु भुजा तमुस्योले गर्नुभएको थियो ।