ताजा खबर

अनिक अधिकारीले जिते तेस्रो सँस्करणको ‘हस्पिटालिटी नेपाल कन्टेस्ट’

   १० चैत्र २०७५, आईतवार १४:०८      605 views

बेगनासका अनिक अधिकारी हस्पिटालिटी नेपाल कन्टेस्ट तेस्रो सिजनका विजेता बनेका छन् । १७ जना प्रतिस्पर्धीलाई उछिन्दै उनले तेस्रो सँस्करणको उपाधी हात पारेका हुन् । फाइनल राउण्डमा निर्णायकले सोधेको प्रश्नको सबैभन्दा उत्कृष्ट जवाफ दिएर उनी नम्बरको आधारमा विजेता छनौट भएका हुन् ।

विजेता भएसँगै अधिकारीले नगद र विभिन्न प्याकेजहरु पुरस्कार स्वरुप प्राप्त गरे । उनले नगद २५ हजार रुपैयाँसँगै दुबई भ्रमणको प्याकेज प्राप्त गरे । विजेता भएसँगै हस्पिटालिटी क्षेत्रका आफूलाई झन् बढि केहि गर्ने हौसला मिलेको उनले प्रतिक्रिया दिए । ‘यो मेरो लागि ठुलो उपलब्धिसँगै चुनौती पनि हो । आगामी दिनमा नेपालको हस्पिटालिटी क्षेत्रमा योगदान दिनुपर्ने चुनौती ।’ विजेता अधिकारीले भने–‘यो टाइटलले मलाई अझै बढि जिम्मेबारी सुम्पेको छ ।’ अधिकारी हाल नेपाल टुरिज्म एण्ड होटल म्यानेजमेन्ट कलेजमा अध्ययनरत छन् ।

करिब डेढ महिनासम्म आयोजक एपी इन्टरटेनमेन्टले प्रतिस्पर्धीहरुलाई बन्द प्रशिक्षणमा सहभागी गराएर ‘हस्पिटालिटी सेक्टर’सँग सम्बन्धि विभिन्न तालिमहरु दिएको थियो । हस्पिटालिटी क्षेत्रसँग विज्ञता राख्ने व्यक्तिहरुले प्रतिस्पर्धीहरुलाई तालिम दिएका थिए । फाइनलमा उनीहरुले तालिममा सिकेका विभिन्न सिपहरु पनि प्रदर्शन गरेका थिए ।

त्यस्तै कन्टेस्टमा पवित्रा तामाङ फस्ट रनरअप भईन् । उनले टाइटलसँगै नगद र विभिन्न प्याकेज पुरस्कार जितिन् । तामाङ पनि नेपाल टुरिज्म एण्ड होटल म्यानेजमेन्ट कलेजमा अध्ययनरत छिन् । कन्टेस्टमा प्रतिक गुरुङ सेकेन्ड रनरअप भए । उनी माउन्ट अन्नपूर्ण कलेजमा अध्ययनरत छन् । त्यसैगरि सिटिइभिटीमा अध्ययनरत सन्देश केसी कन्टेस्टमा थर्ड रनरअप भएका थिए ।

हस्पिटालिटी नेपाल कन्टेस्टको तेस्रो सिजनको मूख्य निर्णायकको रुपमा पाइलट तथा अभिनेता विजय लामा रहेका थिए । त्यस्तै हिसान कास्कीका अध्यक्ष डा. रामजी शर्मा, नेपाल पर्यटन बोर्ड गण्डकी प्रदेश निर्देशक मणिराज लामिछाने, माउन्ट अन्नपूर्ण कलेजका प्राचार्य शैलेन्द्र श्रेष्ठ र नेपाल टुरिज्म एण्ड होटल म्यानेजमेन्ट कलेजका प्राचार्य प्रकाश रेग्मी र नाट्टाका अध्यक्ष सन्तोष पोखरेल निर्णायक मण्डलमा रहेका थिए । कार्यक्रममा मिस अर्थ २०१८ प्रिया सिग्देल विशेष अतिथीको रुपमा सहभागी थिईन् ।

0 0 vote
Article Rating

आजको खबर

पोखरा–१४ सयनतारा बस्दै आएका काठमाडौं, दक्षिणकालीका मृगौलापीडित नरबहादुर लामालाई तमुस्यो रि च्हमी परिवारले आर्थिक सहयोग गरेको छ । दुवै मृगौला खराब भइ नियमित डाइलासिस गराइरहेका

अझै पढ्नुहोस्

Follow Us


साह्रै मज्जाको लेख, आनन्द आयो, आफ्नै गाँउघर पनि सम्झे । धन्य एकेन्द्र सर

Written by Biswasdip Limbu 2020-05-01 22:46:38

outstanding biography of yukta dai, may him long live

Written by ram chandra gurung 2020-01-08 02:54:15

Great achievement, kudos All Gurungs!!!

Written by Aalok Ghonday Ghotaney Konmey 2019-07-09 20:19:54

उस्तै खबर

0 टिप्पणी

Subscribe
Notify of
guest
0 Comments
Inline Feedbacks
View all comments


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ

बजार व्यवस्थापक: रमेश गुरुङ

Find Us

Stay connected and report to us!


NayaBazar, Pokhara, Nepal
+977-9846637284

Shares
0
Would love your thoughts, please comment.x
()
x
%d bloggers like this: