ताङतिङको पुरन स्वाँरामा बाख्रा गोठमा आगलागी हुँदा ४ लाखको क्षति

तस्विर सौजन्य एकजंग गुरुङ वडा अध्यक्ष मादी २

मादी गाउँपालिका वडा नं २ ताङतिङमा आज विहान बाख्रा गोठमा आगलागी हुँदा १८ वटा बाख्रा तथा घर गोठ सबै जलेका छन ।

ताङतिङ स्थित पुरन स्वाँरामा विगत लामो समयदेखि परिवार सहित बाख्रा पालन गर्दै सोही गोठमा स्थायी बसोबास गर्दै आउनु भएका भिमबहादुर गिरीको परिवार लागलागी भएपछि बिचल्लीमा परेको छ ।

विहान गिरी दम्पत्ती घाँस काटन वनमा गएको बेला नातनातिनीहरुले घरमा राखेको खरको सोतरमा आगो सल्काएपछि गोठमा भएको सबै बाख्रा र घर गोठ जल्लदा ४ लाखको क्षति भएको प्रारम्भिक अनुमान गरिएको छ ।

मादी १ एका वडा सदस्य भिमबहादुर गुरुङले सिक्लेसबाट गोठमा आगलागी भएको जानकारी फोन मार्फत मादी २ का वडा अध्यक्ष एकजंग गुरुङलाई दिएपछि सुपर मादी हाईड्रो पावरमा तैनाथ सुरक्षकर्मी र स्थानिय बासीको सहयोगमा आगो नियन्त्रणमा लिइएको मादी २ का वडा अध्यक्ष एकजंग गुरुङले जानकारी दिनुभयो ।

घटन स्थलमा पुगेको प्रहरीले घटनको मुचुल्क उठाएको छ भने घरबार विहिन भएको गिरी परिवार अहिले ताङतिङकै एउटा खाली घरमा बसी रहेको वडा अध्यक्ष गुरुङले जानकारी दिनुभयो ।