खै बिदो तो बिदो गीतले वैशाख ७ गते दिउँसो १२ बजेसम्म प्रतिस्पर्धा गर्न पाउने

म्ले क्यु चलचित्रमा समावेश रहेको गीत खै बिदो तो बिदो क्योलाई तो बिदो बोलको गीतका लागि गरिएको कभर नृत्य प्रतियोगिताको अन्तिम नतिजा यहि वैशाख ७ गते दिउँसो १२ बजे प्रकाशन हुने भएको छ ।

इन्जिनियर रोशन गुरुङद्धारा लिखित गीत म्ले क्यु चलचित्रमा समावेश रहेको छ । चलचित्र यहि वैशाख ७ गते पोखरामा प्रदर्शन हुँदैछ । विन्दवासिनी चलचित्र मन्दिर तेर्सापटिमा चलचित्र विहान ८ बजे दिउँसो १२ बजे र अपरान्ह् ३ बजे प्रदर्शन हुने भएको छ ।

चलचित्रको उक्त गीतमा धनमाया गुरुङ र मनोरहर रानाको अभिनय रहेको छ भने उक्त गीतका लागि गत साउन महिनामा कभर नृत्य प्रतियोगिता शुरु गरिएको थियो ।

प्रतियोगितामा कूल १० टिमले भाग लिएका छन भने युटुवमा सबै भन्दा धेरै भ्युओर्स पाएको आधारमा गीतको नतिजा प्रकाशन गरिने छ ।

बिजेता मध्ये एउटा मात्रै समुहलाई नगद पुरस्कार दिइने छ भने सहभागि सबै समुहलाई प्रमाण पत्र प्रदान गरिने छ । पुरस्कारको राशि नगद ७५ हजार रुपैंया रहेको छ ।

उक्त पुरस्कारलाई युके निवासी तमू धि युकेका सल्लाहकार एकेन्द्र गुरुङ, उपाध्यक्ष द्धय हितकाजी गुरुङ र जुमकाजी गुरुङ, कार्य समिति सदस्य मिलन तमू, पूर्व अध्यक्ष रामचन्द्र गुरुङ (सुर्जे) र युवा व्यवसायी भिम गुरुङले प्रायोजन गर्नुभएको छ ।

अहिलेसम्म प्रतियोगि समुह मध्ये पोखराको तरेली साँस्कृतिक परिवारले निर्माण गरेको गीति अभिनय अत्याधिक दर्शकले रुचाएका छन उक्त परिवार करिब १ लाख ५० हजार भ्युओर्सको साथमा अग्र स्थानमा रहेको छ भने अरु समुहले उसलाई पछयाई रहेको छ ।

तर गीतको अन्तिम नतिजा भने वैशाख ७ गते मध्यान्ह् १२ बजेसम्मको धेरै दर्शकको भोट पाएको आधारमा छिनोफानो हुनेछ । बिजेता समुहलाई सोहि दिन दिउँसो १२ बजेको सोमा पुरस्कार प्रदान गरिने चलचित्रका निर्देशक जसु गुरुङले जानकारी दिनुभयो ।