फेदीखोला गाउँपालिका राष्ट्रपति रानिङ्ग शिल्डको उपाधि चण्डि डाँडा मा.वि.लाई

स्वास्थ्यका लागि खेलकुद, राष्ट्रका लागि खेलकुद’ भन्ने मुल नाराका साथ फेदीखोला गाउँपालिका स्याङ्जाद्वारा आयोजना गरिएको गाउँपालिका विद्यालय स्तरिय राष्ट्रपति रानिङ्ग शिल्ड प्रतियोगिता चण्डि डाँडा मा.वि.ले हात पारेको छ ।

गाउँपालिकाद्वारा आयोजित उक्त प्रतियोगितामा गाउँपालिका भरिका ७ सामुदायिक र २ संस्थागत गरी ९ वटा विद्यालयको सहभागिता रहेको थियो । ७ वटा विद्यालयलाई पछि पार्दै सिद्धार्थ मा.वि. र चण्डिडाँडा मा.वि. फाइनलमा भिडेका थिए ।

फेदीखोला गाउँपालिका वडा नं. २ स्थित सिद्धार्थ मा.वि. को खेल मैदानमा भएको फाइनल खेलमा चण्डि डाँडा मा.वि.ले सिद्धार्थ मा.वि.लाई लगातार तेस्रो सेटमा पराजित गर्न सफल भएको थियो ।

उपाधीसँगै चण्डि डाँडा मा.वि.ले ट्रफि, मेडल, प्रमाणपत्र र नगद रु. ३०,००० र उप विजेता सिद्धार्थ मा.वि.ले ट्रफि, मेडल, प्रमाणपत्र र नगद रु. १५,००० प्राप्त गरेको छ ।

कार्यक्रममा गाउँपालिका उपाध्यक्ष, वडा अध्यक्ष, वडा सदस्यहरु, विद्यालयका प्र.अ., विद्यालय व्यवस्थापन समितिका अध्यक्ष, गाउँपालिका भित्रका सामुदायिक र संस्थागत विद्यालयका शिक्षक प्रतिनिधि, स्थानिय, खेलप्रेमी लगायतको सहभागी रहेको थियो ।

फेदीखोला गाउँपालिका अध्यक्ष घनश्याम सुबेदीको अध्यक्षतामा सम्पन्न कार्यक्रमको सञ्चालन गाउँपालिका शिक्षा शाखा प्रमुख एवम कार्यक्रमका संयोजक रामचन्द्र गुरुङले गर्नुभएको थियो ।