ताजा खबर

विश्व संगीत दिवसमा तराना म्यूजिकले सम्झियो श्रीमान थुलुङलाई

   ७ असार २०७६, शनिबार ०८:२३      757 views

विश्व संगीत दिवसका अवसरमा तराना म्यूजिक सेन्टर, पोखराले आफ्नो साप्ताहिक सांगीतिक कार्यक्रमको आयोजना ग¥यो । तराना म्यूजिकका संस्थापक गायक एवं संगीतकार स्व. श्रीमान थुलुङप्रति समर्पित शुक्रबारको सो कार्यक्रममा कलाकारहरूले विभिन्न सांगीतिक प्रस्तुती राखे ।

गायक एवं संगीतकार थुलुङको सवारी दुर्घटनामा परी निधन भएपछि बन्द भएको साप्ताहिक सांगीतिक कार्यक्रमलाई शुक्रबारदेखि पुनः सुरु गरिएको तराना म्यूजिकका सञ्चालक गायक उमेश राईले जानकारी दिए । यसअघि, पनि तराना म्यूजिक सेन्टरमा आफ्ना संगीत प्रशिक्षार्थीका लागि साप्ताहिक सांगीतिक कार्यक्रम हुँदै आएको राईले बताए ।

शुक्रबार आयोजना गरिएको कार्यक्रममा प्रमुख अतिथिका रुपमा बोलाइएका नेपाल पत्रकार महासंघ, गण्डकी प्रदेशका सचिव रूद्र श्रीसमगरले स्व. थुलुङका बारेमा चर्चा गर्नुभयो । थुलुङको अल्पायुमै निधनले संगीत क्षेत्रमा अपूरणीय क्षति पुगेको बताउँदै श्रीसले निधनको पीडा भएपनि अब शोकलाई शक्तिमा बदलेर उहाँका सपना पूरा गर्नतिर लाग्नुपर्ने उल्लेख गर्नुभयो ।


किरात सेवा समाज, कास्कीका अध्यक्ष लोकेन्द्र चाम्लिङ राईले स्व. थुलुङको स्मृतिमा अक्षयकोष स्थापना गर्न लागिएको जानकारी दिनुभयो । अक्षयकोष स्थापना गरेर संगीत क्षेत्रमा योगदान पु¥याउने व्यक्तित्वलाई स्व. थुलुङका नामबाट सम्मान गरिने बताउँदै राईले थुलुङको भौतिक शरीर नरहेपनि सांगीतिक योगदान सदा स्मरणीय रहने बताउनुभयो ।


स्व. थुलुङका बहिनी ज्वाइँ समेत रहेका पूर्वाञ्चल सेवा समाज, पोखराका अध्यक्ष डीबी राईले थुलुङको स्मृतिमा स्थापना गर्न लागिएको अक्षयकोषका लागि आफूले सक्दो भूमिका खेल्ने बताउँदै परिवार र आफन्तका तर्फबाट समेत अक्षयकोषका लागि साथ रहने उल्लेख गर्नुभयो । स्व. थुलुङका ठूलो दाइ डीके राईले अल्पायुमै भएको निधनका कारण परिवार अझै पनि भावविÞवल रहेको बताउनुभयो । रेडियो सिटी पोखराका स्टेशन म्यानेजर रामचन्द्र घिमिरेले गायक एवं संगीतकार थुलुङको सांगीतिक योगदानलाई सञ्चार क्षेत्रले सधैं सम्झिरहने बताउनुभयो ।

0 0 votes
Article Rating

आजको खबर

Follow Us


साह्रै मज्जाको लेख, आनन्द आयो, आफ्नै गाँउघर पनि सम्झे । धन्य एकेन्द्र सर

Written by Biswasdip Limbu 2020-05-01 22:46:38

outstanding biography of yukta dai, may him long live

Written by ram chandra gurung 2020-01-08 02:54:15

Great achievement, kudos All Gurungs!!!

Written by Aalok Ghonday Ghotaney Konmey 2019-07-09 20:19:54
Happy New Year

उस्तै खबर

0 टिप्पणी

Subscribe
Notify of
guest
0 Comments
Inline Feedbacks
View all comments


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ

बजार व्यवस्थापक: रमेश गुरुङ

Find Us

Stay connected and report to us!


NayaBazar, Pokhara, Nepal
+977-9846637284

Shares
0
Would love your thoughts, please comment.x
()
x
%d bloggers like this: