
छाउपडी प्रथाको प्रभाव घट्दै, चेतनामूलक कार्यक्रम प्रभावकारी
बझाङ । बझाङमा लामो समयदेखि जरा गाड्दै आएको छाउपडी प्रथा उन्मूलनको दिशामा गएको छ ।

सरकारी तथा गैरसरकारी संघसंस्थाहरुको चेतनामूलक कार्यक्रम प्रभावकारी सावित हुँदै गएपछि कुप्रथाको रुपमा रहेको छाउपडी विस्तारै हट्न थालेको हो ।
छाउपडी प्रथाकै कारण कयौं महिलाले अनाहकमा ज्यानसमेत गुमाउनु परेपछि महिलाहरु नै यस प्रथाको विरोधमा लागेपछि यसको प्रभाव घट्न थालेको हो ।
छाउपडी प्रथाको केन्द्रजस्तै मानिने सुदुरपश्चिम प्रदेशको बझाङमा यसको प्रभाव घट्न थालेको छ ।
गत शुक्रबार बझाङको बुंगल नगरपालिकालाई सुदुरपश्चिममै पहिलोपटक छाउगोठमुक्त भएको घोषणा गरिएसँगै यसको प्रभाव घट्न थालेको देखिएको हो ।
महिनाबारी तथा छाउ भएको बेला घरभन्दा टाढा बस्नुपर्ने दूध दही घिउ खान नहुने धारा छुन नहुने नियमहरु अहिले हटेको महिला स्वयंसेविका अम्बरादेवी कुँवरको भनाइ छ ।
एक बर्ष पहिलेसम्म छाउ भएको बेलामा छात्रा र शिक्षिका विद्यालयमा अनुपस्थित हुने गरेका थिए ।
नजिकै भवानी र मसानीको मन्दिर भएका कारण स्कूल आउन डराउने गरेको तर अहिले भने विद्यालयमा आउन थालेको छात्रा सविता सिंह बताउँछिन् ।
छाउपडी प्रथा विस्तारै हटिसकेका कारण रजस्वला भएका बेलामा महिलाहरुले ठूलो कष्टको सामना गर्नुपरेको छैन ।
नयाँ पुस्ताका किशोरीबाट यस्तो कुप्रथाको विरोध हुँदै आएका कारण अहिले नगरपालिका छाउगोठमुक्त बनाउन सफल भएको किशोरी संजालकी अध्यक्ष रमिता सिहँ बताउँछिन् ।
बुंगल नगरपालिका मात्र होइन जिल्लाका अन्य स्थानमा पनि अहिले यसको जरो उखेलिन थालेको छ ।
स्वयं महिलाहरु नै यस प्रथाको विरुद्धमा उठ्न थालेपछि प्रभाव घट्दै गइरहेको छ ।
विभिन्न सचेतनामूलक कार्यक्रममार्फत् यसलाई हटाउन सफल भएको बुंगल नगरपालिकाका मेयर धनबहादुर विष्टको भनाइ छ ।
आजको खबर
Follow Us
outstanding biography of yukta dai, may him long live
Written by ram chandra gurung 2020-01-08 02:54:15
Great achievement, kudos All Gurungs!!!
Written by Aalok Ghonday Ghotaney Konmey 2019-07-09 20:19:54

उस्तै खबर





साह्रै मज्जाको लेख, आनन्द आयो, आफ्नै गाँउघर पनि सम्झे । धन्य एकेन्द्र सर
Written by Biswasdip Limbu 2020-05-01 22:46:38