पोखरामा भेटियो कलम जस्तै देखिने पेन गन ! यी व्यक्तिले प्रयोग गर्दा रैछन्

कास्की प्रहरीले पोखराबाट कलम जस्ते देखिने पेन गन सहित एक जनालाई पक्राउ गरेको छ । प्रहरीले पत्रकार सम्मेलन गरेर लागुऔषधको कारोबारी ति व्यक्तिबाट लागुऔषध संगै पेन गन बरामद गरेको हो ।

पोखरा २४ कास्कीकोट घर भई पोखरा ७ मासबार बस्दै आएका सागर रानाभाटसँग यो हतियार भेटिएको हो । लागू औषध सेवन, ओसारपोसार र बिक्री वितरण तथा हतियार समेत बोकी हिड्ने गरेको सूचनाको आधारमा कास्की प्रहरीले अनुसन्धान थालेको थियो ।

उनको डेरामा केही थान लागू औषध प्रहरीले बरामद गरेको छ । रानाभाटलाई असार ३० गते सोमबार पक्राउ गरि अनुसन्धान अघि बढाइएको जिल्ला प्रहरी कार्यालय कास्की प्रमुख तथा एसपी दानबहादुर कार्कीले बताए ।