तमू ल्होसारको पुर्व सन्ध्यामा तमू प्ये ल्हु संघको भवन परिसरमा सरसफाई

तमु प्ये ल्हु संघ केन्द्रीय समितिको आयोजनामा यहि पुस १२ देखि १६ गतेसम्म हुने बृहत तमू फो ल्होसार महोत्सव २०७५ लाई मध्यनजर गर्दै तमू प्ये ल्हु संघको भवन परिसरमा व्यापक सरसफाई गरिएको छ ।

संघसँग आवद्ध क्षेत्रीय तमू समाजहरुले सघाउँदै आएको सरसफाई कार्यमा हिजो स्याङ्जा मनकामना पेल्काचौर तमू समाज, हरियाली मार्ग वन क्याम्पस १५ पोखराले अन्तिम सरसफाई गरि ल्होसारको निमित्त आवश्यक ठाउँ तयार पारेका हुन् ।

यसभन्दा अगाडि तमु हे तमु समाज, पैयुँखोला तमु समाज, क्होला दीप तमु समाज, राम्चेली गडभाइ तमु समाज, क्होला ट्हों धिं रामबजार, स्याङ्जाली तमु समाज, डडुवा दुर्छा लम्जुङ तमु समाज, शान्त तमु समाज र स्याङ्जा तमु ट्हों समाजले पनि सरसफाईमा सहभागीता जनाएका थिए ।

यसैबीच उक्त समाजको तर्फबाट बृहत् तमू फो ल्होसारलाई नगद रु. आर्थिक सहयोग समेत प्राप्त भएको छ ।