क्होला परिवार याङजाकोटद्धारा बिरामी नरबहादुर गुरुङलाई आर्थिक सहयोग

कास्कीको मादी गाउँपालिका वडा नं ३ याङजाकोटमा रहेको क्होला परिवार याङजाकोटले याङजाकोट नासा न्हो स्थित ८८ वर्षिय नरबहादुर गुरुङ (खुइले बाबा) लाई आर्थिक सहयोग गरेको छ ।

केहि दिन अगाडी आफनै घरमा लडेर कराङमा समस्या देखिएपछि उपचारको लागि पोखरा आउनु भएका उहाँलाई हिजो क्होला परिवारका अध्यक्ष जेमप्रसाद गुरुङ, उपाध्यक्ष क्या.श्यामबहादुर गुरुङ, सचिव क्या.घनबहादुर गुरुङ, कोषाध्यक्ष श्याम गुरुङ, सह सचिव तिलु गुरुङ लगायतको उपस्थितीमा बिरामी नरबहादुर गुरुङलाई नगद ५ हजार रुपैया सहयोग स्वरुप प्रदान गरिएको छ ।

आफनो परिवारका सदस्यहरुलाई आपत विपतमा सहयोग गर्ने र एक अर्कामा आत्मिय सदभाव कायम गर्ने उद्देश्यले स्थापना भएको सो परिवारले विभिन्न सामाजिक कामहरु गर्दै आएको छ ।