ङोल्स्यो म्हिथेबा कभर नृत्य प्रतियोगिताको उपाधि भुजुङ यजम्रो डान्स ग्रुप पोखरालाई

ङोल्स्यो म्हिथेबा बोलको गीतमा आयोजना गरिएको भिडियो प्रतियोगिताको उपाधी भुजुङ यजम्रो डान्स ग्रुप पोखराले कूल २ लाख ११ हजार ९ सय ९५ युटयुब दर्शकको भोट सहित जितेको छ ।

गीतमा प्रगती चोक आमा समुह पोखरा २७ रिठेपानीले १ लाख १३ हजार ८ सय १८ दर्शक भोटका साथ द्धितिय हुन सफल भएको छ । प्रथम भएको समुहले ८० हजार नगद पुरस्कार प्राप्त गर्ने छ भने द्धितिय भएको समुहले नगद ४० हजार पुरस्कार प्राप्त गर्ने छ ।

स्ट्रिम नेपालको फेसबुक पेज मार्फत आज पोखरामा भएको नतिजा घोषणा कार्यक्रममा सुपर युनिक फिल्मस् प्रा.लि.का निर्देशक प्रेम गुरुङले बिजेता समुहको नाम सहित उनीहरुले प्राप्त गरेको मत सङख्य सार्वजनिक गर्नुभएको थियो । नतिजा घोषणासँगै उहाँले बिजेता समुहलाई बधाई तथा सहभागि समुहलाई धन्यवाद दिनुभयो ।

करिब ६ महिनासम्म स्ट्रिम नेपालको युटयुब च्यानल मार्फत सञ्चालन भएको प्रतियोगितामा कूल ११ वटा समुहले भाग लिएका थिए । गीतलाई हालसम्म ८ लाख ७२ हजार ४ सय ३५ पटक स्ट्रिम नेपालको युटयुब च्यानल मार्फत हेएिको छ ।

सुपर युनिक फिल्मस् प्रा.लि.को व्यानरमा निर्माण भएको गीत गायक तथा नृत्य निर्देशक राजबहादुर गुरुङको पहिलो गीति कोसेली हो ।

राजबहादुर गुरुङ र मिलन नेवारको स्वर रहेको गीतमा बेलायत निवासी के.बि. गुरुङको शब्द र मनोज गुरुङको संगीत रहेको छ भने तेजेन्द्र गुरुङले म्युजिक एरेन्ज गर्नुभएको छ ।

बिजेता समुहलाई आगामी माघ २६ गते लमजुङको डडुवा दुर्छा तमू समाज पोखरा १० जनप्रियटोलमा एक भव्य कार्यक्रमका बीच पुरस्कार वितरण गरिने गायक राजबहादुर गुरुङले जानकारी दिनुभयो ।

बिजेता समुहले नगद ८० हजार र उप–बिजेता समुहले नगद ४० हजार पुरस्कार प्राप्त गर्नेछ ।