रासस वर्ष सर्वोत्कृष्ट जिल्ला समाचारदाता पुरस्कार जमुना वर्षा शर्मालाई

गण्डकी प्रदेशका आन्तरिक मामिला तथा कानून मन्त्री हरिबहादुर चुमानले राष्ट्रिय समाचार समिति र प्रदेश सरकारको सम्बन्ध व्यवस्थित हुनुपर्ने बताउनुभएको छ ।

राससको ५९ औं वार्षिकोत्सवका सन्दर्भमा गण्डकी प्रदेश कार्यालय पोखराद्वारा आज यहाँ आयोजित कायक्रममा उहाँले प्रदेश सरकार रासससँग समन्वय गर्दै सँगसँगै अघि बढ्ने प्रतिवद्धता व्यक्त गर्नुभयो ।

“समन्वयका साथ अघि बढ्दा राससको भौतिक पूर्वाधार, क्षमता विकास लगायतमा सहयोग गर्न सरकार तयार छ,” – उहाँले भन्नुभयो ।

मुलुकको समृद्धिमा सञ्चार माध्यमको अतुलनीय योगदान रहेको चर्चा गर्दै मन्त्री चुमानले प्रकाशित एवम् प्रशारित समाचारले समाज एवम् राष्ट्रमा परिणाम निकाल्न मद्दत पु¥याउनुपर्नेमा उहाँले जोड दिनुभयो ।

यसैबीच वार्षिकोत्सवका अवसरमा गण्डकी प्रदेश अन्तर्गत रासस वर्ष सर्वोत्कृष्ट जिल्ला समाचारदाता(स्ट्रिङगर) जमुना वर्षा शर्मालाई पुरस्कृत गरियो । उहाँलाई मन्त्री चुमान, राससका पूर्व अध्यक्ष बराल र प्रदेश प्रमुख पौडेलले १५ हजार रुपैयाँ नगद सहित सम्मानपत्रबाट पुरस्कृत गर्नुभयो ।

पुरस्कृत समाचारदाता शर्माले आँफैंले काम गरिरहेको संस्थाबाट कामको मूल्याङकन गरी पुरस्कृत बन्न पाउँदा ठूलो उर्जा मिलेको बताउनुभयो ।