छोरीको जन्मदिन पारेर ‘मिसेस गुरुङ’ रबिता गुरुङद्धारा अनाथ बालबालिकालाई आर्थिक सहयोग

मिसेस गुरुङ २०७५ कि बिजेता रबिता गुरुङले आफनी छोरी निर्जला गुरुङको जन्मदिन पारेर ओम शिवशक्ति कल्याणी केन्द्रलाई आर्थिक सहयोग गर्नुभएको छ ।

ललितपुरको थसीलेलमा केन्द्रिय कार्यालय रहेको केन्द्रले पोखराको लामाचौरमा पनि शाखा सञ्चालन गरेर अनाथ बालबालिकाहरुलाई पालन पोषण र अध्ययन गराउदै आएको छ ।

मिसेस गुरुङको बिजेता बनेपछि सामाजिक उत्तरदायित्व समेत बहन गर्दै समाजसेवामा अग्रसर हुँदै आउनु भएकी रबिताले केन्द्रमा रहेका १० जना बालबालिकाहरुको सहयोगका निम्ती भन्दै नगद १५ हजार आर्थिक सहयोग गर्नुभएको छ भने केन्द्रका बालबालिकाहरुसँग केक काटेर छोरीको जन्मदिन समेत मनाउनु भएको छ ।

बालबालिकाहरुलाई सानैदेखि सामाजिक काममा उत्प्रेरित गराउने उद्देश्यले आफूले छोरीको जन्मदिनलाई सानो भएपनि सामाजिक कामसँग जोड्न उक्त सहयोग गरेको मिसेस गुरुङ रबिता गुरुङले बताउनुभयो ।

कास्कीको छोम्रोङ माइती भएकी रबिता मादी गाउँपालिका वडा नं. ५ की स्थानिय बासिन्द हुन् ।