तमू प्ये ल्हु संघद्वारा गण्डकी प्रदेश सरकारको राहत कोषमा १ लाख ३५ हजार सहयोग

तमू प्ये ल्हु संघ केन्द्रिय समितिले गण्डकी प्रदेश सरकारद्वारा सञ्चालन गरिएको कोरोना भाइरस नियन्त्रण तथा उपचार कोषमा एक लाख ३५ हजार सहयोग गरेको छ ।

तमू प्ये ल्हु संघका केन्द्रिय समितिका अध्यक्ष हितकाजी टु तमूको नेतृत्वमा गएको टोलीले गण्डकी प्रदेशका मुख्यमन्त्री पृथ्वीसुब्बा गुरुङलाई सो रकम बराबरको चेक हस्तान्तरण गरेको हो ।

टोलीमा संघका महासचिव हर्कबहादुर योज तमू, कोषाध्यक्ष ओमबहादुर थिम्जें तमू लगायत सहभागि हुनुभएको थियो ।

यसैबीच आजै तमू प्ये ल्हु संघले पोखरा महानगरपालिकाको राहत कोषमा पनि ७५ हजार आर्थिक सहयोग गरेको छ ।

संघका अध्यक्ष हितकाजी टु तमूको टोलीले पोखरा महानगरपालिकाका मेयर मानबहादुर जिसीलाई उक्त रकम हस्तान्तरण गरेको हो ।