तमु समाज युकेद्धारा पोखरामा विपन्न परिवारलाई राहत वितरण

तमु समाज युकेको सहयोगमा तमु समाज युके आमा समूहका संस्थापक अध्यक्ष माया गुरुङ तथा साउथ इष्ट रिजनल तमु धीं युकेका उपाध्यक्ष पार्वती गुरुङले पोखरामा राहत वितरण गर्नुभएको छ ।

आमा समुहकी संस्थापक अध्यक्ष माया गुरुङ र साउथ इष्ट रिजनल तमु धीं युकेका उपाध्यक्ष पार्वती गुरुङको नेतृत्वमा पोखरामा ९० हजार ३ सय ३० रुपैयाँ बराबरको राहत सामग्री वितरण गरिएको हो ।

सो राहत वितरणका लागि युकेबाट तमु समाज युकेका अध्यक्ष शिवचन्द्र गरुङले विपत व्यवस्थापन समितीबाट संस्थागत रुपमा ५० हजार ३ सय ३० रुपैयाँ र व्यक्तिगत रुपमा संस्थापक अध्यक्ष चित्रबहादुर गुरुङ, जयन्ती गुरुङ, विनु गुरुङ, ओम गुरुङ, प्रज्वल गुरुङ, ममता गुरुङ र निवर्तमान अध्यक्ष अर्जुनकुमार गुरुङबाट ४० हजार रुपैयाँ सहयोग प्राप्त भएको संस्थापक अध्यक्ष माया गुरुङले जानकारी दिनुभयो ।

सो रकमबाट पोखराको प्रदर्शनी केन्द्र कक्षमा राहत वितरण गरिएको हो । अतिविपन्न ज्याला मजदुरी गर्ने ७८ घर धुरीलाई राहत बाँडिएको थियो ।