ताजा खबर

शिक्षासेवी ओमप्रकाश गुरुङद्धारा लिखित ‘ताङतिङ मेरो गाउँ’ पुस्तक विमोचन

   ३ माघ २०७७, शनिबार १९:५४      274 views

लेखक एवम् शिक्षासेवी ओमप्रकाश गुरुङद्धारा लिखित पुस्तक ‘ताङतिङ मेरो गाउँ’ को आज पोखरामा विमोचन गरिएको छ ।

मादी गाउँपालिका प्रमुख वेदबहादुर गुरुङ (श्याम)ले पुस्तकको विमोचन गर्दै पुस्तकका लेखक ओमप्रकाश गुरुङ आफूलाई रुचि लागेको क्षेत्रमा पागलले झै लागेर काम गर्ने एक सच्चा र इमानदार व्यक्ति भएको बताउनुभयो ।

लेखकले आफनो जीवनको उर्जाशील समय सबै आफनो गाउँ र त्यस क्षेत्रको शैक्षिक विकासको निम्ती खर्चेको भन्दै उहाँले ताङतिङलाई जुगजुगसम्म भुल्न नसकिने गुण लगाएको बताउनुभयो ।


ताङतिङको विकास र प्रचारको लागि कसैले गीत, कसैले साहित्य, कसैले चलचित्र, कसैले पत्रकारिता र कसैले खेलकुद आदि क्षेत्रबाट योगदान दिएको भन्दै जस जसले ताङतिङलाई आजको ताङतिङ बनाउन सहयोग गरयो उनीहरु सबै बधाईको पात्र हुन भन्नुभयो ।

अब ताङतिङबासीले पर्यटनलाई आफनो जीवन शैली बनाउनुपर्ने भन्दै उहाँले पर्यटन प्रवद्र्धनमा यस पुस्तकले पनि महत्वपूर्ण भूमिका निर्वाह गर्ने बताउनुभयो ।


कार्यक्रममा पुस्तक माथि टिप्पणी गर्दै पत्रकार अमृत भादगाउँलेले लेखकसँग आफनो लामो समयको निटकता रहेको भन्दै लेखकले सधै आफनो गाउँ ठाउँको विकासको निम्ती चिन्तन मनन गरेको र यसैको फल स्वरुप यस पुस्तकको जन्म भएको बताउनुभयो ।


अर्का टिप्पणीकार एवम् पत्रकार जमुना वर्षा शर्माले पुस्तकले तमू जातिको लाहुरे संस्कृतिदेखि ताङतिङको विगत र वर्तमान अवस्था अनि क्होला सोंथरसम्मको प्रसंगलाई उठान गरेको भन्दै सम्रगमा पुस्तक युवा पुस्ताको लागि अत्यन्तै उपयोगी सामग्री बनेको बताउनुभयो ।


यस्तै लेखक ओमप्रकाश गुरुङले आफू पहिलेदेखि नै लेखन कार्यमा अति नै रुचि रहेको र आफनो निजी ब्लगमा सुरुदेखि नै सयौ लेख रचनाहरु लेख्दै र प्रकाशित गर्दै आएको भन्दै अहिले भने यसलाई पुस्तकको रुपमा प्रकाशित गरेको बताउनुभयो ।


कार्यक्रममा पोखरा पर्यटन परिषदका अध्यक्ष गोपी भटराई, नेपाल पर्यटन बोर्डका निर्देशक मणि लामिछाने लगायतले बोल्नुभएको थियो ।


ताङतिङ गाउँमा जन्मेर डब्ल डिग्री हाँसिल गर्नुभएका ओमप्रकाश गुरुङ ताङतिङमा रहेको हिमालयन मिलन मा.वि.का प्र.अ. हुनुहुन्छ । उहाँले आफनो जीवनको करिब तीन दशक समय ताङतिङको शैक्षिक उन्नयनमा बिताउनु भएको छ ।


पुस्तकमा उहाँले देखेको, भोगेको र सुनेको ताङतिङको विगत र वर्तमानलाई करिब ३० वटा शीर्षकको रचना मार्फत मसिनोसँग केलाउने प्रयास गर्नुभएको छ ।


गाउँ पर्यटन प्रवद्र्धन मञ्च नेपाल गण्डकी प्रदेशको आयोजनामा भएको कार्यक्रम मञ्चका अध्यक्ष नवराज अधिकारीको अध्यक्षतामा सम्पन्न भएको थियो भने सचिव माधव पनेरुले कार्यक्रम सञ्चालन गर्नुभएको थियो ।

0 0 vote
Article Rating

आजको खबर

Follow Us


साह्रै मज्जाको लेख, आनन्द आयो, आफ्नै गाँउघर पनि सम्झे । धन्य एकेन्द्र सर

Written by Biswasdip Limbu 2020-05-01 22:46:38

outstanding biography of yukta dai, may him long live

Written by ram chandra gurung 2020-01-08 02:54:15

Great achievement, kudos All Gurungs!!!

Written by Aalok Ghonday Ghotaney Konmey 2019-07-09 20:19:54

उस्तै खबर

0 टिप्पणी

Subscribe
Notify of
guest
0 Comments
Inline Feedbacks
View all comments


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ

बजार व्यवस्थापक: रमेश गुरुङ

Find Us

Stay connected and report to us!


NayaBazar, Pokhara, Nepal
+977-9846637284

Shares
0
Would love your thoughts, please comment.x
()
x
%d bloggers like this: