हङकङमा कार्यरत गुरुङ चलचित्रकर्मीद्धारा ‘एलिना गुरुङ जिताऔं’ अभियानलाई ६१ हजार सहयोग

नेपाल टेलिभिजनबाट प्रशारण भइरहेको गायन रियालिटि सो वाइ वाइ नेपाल स्टारका फाइनलिष्ट एलिना गुरुङलाई विजेता बनाउन देश विदेशबाट सहयोग आउने क्रम जारी रहेको छ ।

यसैबीच आज आल हङकङलाई कर्मथलो बनाउदै आउनुभएका गुरुङ चलचित्रकर्मीहरुले संकलन गरेको ६१ हजार ६ सय २० रुपैयाँ समितिका संयोजक मेनकाजी गुरुङलाई हस्तान्तरण गरिएको छ ।

हाल हङकङमा रहनुभएका जिफाह हङकङका अध्यक्ष रोशन गुरुङले ५०० हङकङ डलर, तमू चलचित्रका नयाक एवम् जिफाह हङकङका सचिव विश्वास गुरुङबाट ५०० हङकङ डलर, जिफाह हङकङका सल्लाहकारहरु दुर्गा गुरुङ (मिलन)बाट ५०० हङकङ डलर, इन्द्रकाजी गुरुङबाट २०० हङकङ डलर प्रदान गरिएको छ ।

यस्तै चलचित्र निर्मात्री दिपा गुरुङबाट २०० हङकङ डलर, निर्माता भिम गुरुङबाट २०० डलर, जिफाह हङकङका प्रथम उपाध्यक्ष चौ गुरुङबाट १०० डलर, निर्माता राम गुरुङबाट ३०० डलर, नयाक गमन घलेबाट २०० डलर, निर्माता जंगबहादुर गुरुङबाट ५०० डलर, निर्माता हर्कबहादुर गुरुङबाट ५०० डलर, निर्माता गौरवकुमार गुरुङबाट २०० डलर प्रदान गरिएको छ ।

यसरी जम्मा भएको कुल रकम ३९०० हङकङ डलरबाट नेपाली रुपैयाँ ६१ हजार ६ सय २० रुपैयाँ आज एलिना गुरुङ जिताऔ अभियानका सचिव रोशनी गुरुङले समितिका संयोजक मेनकाजी गुरुङ र एलिनाकी आमा श्याममाया गुरुङलाई संयुक्त रुपमा प्रदान गर्नुभएको छ ।

हङकङमा नयाक एवम् जिफाह हङकङका सचिव विश्वास गुरुङको नेतृत्वमा सो रकम संकलन गरिएको थियो ।