ताजा खबर

मादी गाउँपालिका र पोखरा जोड्ने विजयपुर खोलामा पुल बन्यो, आज भव्य उद्घाटन

   २६ माघ २०७७, सोमबार २०:०३      1,220 views

पोखरा महानगरपालिका वडा नं. १३ र मादी गाउँपालिकाको उत्तरी बेल्टलाई जोड्ने विजयपुर खोलामा निर्माण भएको पक्की पुलको आज उद्घाटन गरिएको छ ।

काहुँखोला दुध पोखरी सडक अन्तरगत पर्ने विजयपुर खोलाको सो पुल आज संघीय सरकारका भौतिक पुर्वाधार तथा यातायात मन्त्री वसन्तकुमार नेम्वाङले उद्घाटन गर्नुभयो ।


पोखरादेखि पर्यटकीय र ऐतिहासिक गाउँ सिक्लेस पुग्ने सडक खण्ड अन्तर्गत पर्ने पोखरा महानगरपालिका वडा नम्बर १३ र मादी गाउँपालिका वडा नम्बर ५ को सीमानामा पर्ने सिंडीकोमुख गारकाटेस्थित विजयपुर खोलामा मोटरेबल पुल बनेको हो ।


२ वर्षअघि पूर्व प्रधानमन्त्री तथा नेकपा अध्यक्ष पुष्पकमल दाहाल (प्रचण्ड)ले शिलान्यास गरेको पुलको सोमबार भौतिक पूर्वाधार तथा यातायात मन्त्री वसन्तकुमार नेम्वाङले उद्घाटन गर्नुभयो ।
२५÷२५ मिटरको २ वटा स्पान राखेर बनाइएको सो पुलको लम्बाई ५४.१७ मिटर रहेको छ । ११ मिटरको चौडाई रहेको पुलको दायाँ÷बायाँ दुबैतर्फ १.५ मिटरको फुटपाथ रहेको छ ।

८ करोड १५ लाख १९ हजार २ सय ९७ रुपैयाँ लागत अनुमान गरिएपनि ५ करोड ७५ लाख २९ हजार १ सय २४ रुपैयाँमा ठेक्का सम्झौता भएर निर्माण सम्पन्न भएको सडक विभागका महानिर्देशक केशवकुमार शर्माले जानकारी दिनुभयो ।

रायमाझी÷द क्याराभान जेड.भी.काठमाडौंले २०७५ साल असार २१ गते सम्झौता गरेर २०७७ साल असोज १८ गते निर्माण सम्पन्न गरेको उहाँले बताउनुभयो ।

पुल निर्माण भएसँगै मादीबासी हर्षित भएका छन् । पुल निर्माण भएपछि मादी गाउँपालिकाको पर्यटकीय गाउँहरु सिक्लेस, ताङतिङ, याङ्जाकोट, खिलाङ, तप्राङ, थाक लगायतको स्थानियहरु लाभान्वित भएका छन् ।
विजयपुर खोलामा पुल नबन्दा त्यस क्षेत्रका बासिन्दालाई बर्खा याममा आवतजावतमा समस्या हुने गरेको थियो । विजयपुर खोलामा बाढी आएको समयमा कयौं दिनसम्म पोखरा–सिक्लेस सडक खण्डमा गाडी पनि नचल्ने र स्थानियपनि आवतजावत गर्न समेत कठिन हुँदै आएको थियो ।


पुल उद्घाटन कार्यक्रममा बोल्दै भौतिक पूर्वाधार तथा यातायात मन्त्री वसन्तकुमार नेम्वाङले केपी ओली नेतृत्वको वर्तमान सरकारले विकास निर्माणको काम तिव्र गतिमा गरिरहेको बताउनुभयो । उहाँले ओलीकै नेतृत्वमा देश सुरुङ मार्गमा प्रवेश गरेको भन्दै अबको केहि समयपछि रेलको युगपनि शुरु हुने बताउनुभयो ।


पूर्व–पश्चिम विद्युतीय रेलमार्गको काम शुरु भइसकेको र त्यसको परिणाम केहि महिनाभित्र देखिने उहाँको दाबी छ । मन्त्री नेम्वाङले विकासको काम भइरहँदापनि आफ्नै पार्टीका केहि नेताहरुले नदेखेको भन्दै उहाँले, आँखा फुटेझैं विकास नदेख्नेहरुले संसदमा, सभा सम्मेलन र विदेशमा पनि केपी ओलीले गरेन भनेर बोल्ने गरेका छन् ।’ भन्नुभयो विकास, समृद्धि र राष्ट्रियताको पक्षमा अडान राख्दा प्रधानमन्त्री ओलीविरुद्ध षडयन्त्र गरेर हटाउने प्रयास भएपछि संसद विघटन गर्नुपरेको उहाँको जिकीर रहेको छ ।


मादी गाउँपालिकाका अध्यक्ष वेदबहादुर गुरुङ (श्याम)ले विजयपुर खोलामा पुल बनाउने मादीबासीको सयौं वर्षदेखिको सपना अहिले आएर पूरा भएको भन्दै पुल निर्माणले आफूहरुमा थप खुसी छाएको बताउनुभयो ।

साथै उहाँले अब पोखरा–सिक्लेस सडक खण्ड लगायत काउरे–ताङतिङ, तारकाङ–याङजाकोट सडकहरुमा पिच गर्नुपर्ने भन्दै यसका लागि बजेट दिन मन्त्रीलाई आग्रह गर्नुभयो ।

0 0 votes
Article Rating

आजको खबर

Follow Us


साह्रै मज्जाको लेख, आनन्द आयो, आफ्नै गाँउघर पनि सम्झे । धन्य एकेन्द्र सर

Written by Biswasdip Limbu 2020-05-01 22:46:38

outstanding biography of yukta dai, may him long live

Written by ram chandra gurung 2020-01-08 02:54:15

Great achievement, kudos All Gurungs!!!

Written by Aalok Ghonday Ghotaney Konmey 2019-07-09 20:19:54
Happy New Year

उस्तै खबर

0 टिप्पणी

Subscribe
Notify of
guest
0 Comments
Inline Feedbacks
View all comments


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ

बजार व्यवस्थापक: रमेश गुरुङ

Find Us

Stay connected and report to us!


NayaBazar, Pokhara, Nepal
+977-9846637284

Shares
0
Would love your thoughts, please comment.x
()
x
%d bloggers like this: