चैत १७ गतेदेखि पोखरामा १९औं संस्करणको आहा रारा गोल्ड कप प्रतियोगिता हुने

यस वर्ष हुने १९औं संस्करणको आहा ! रारा गोल्ड कप फुटबल प्रतियोगितालाई सफल पार्न ५ सय १ मुल आयोजक समिति गठन भएको छ ।

सहारा क्लबका कार्यसमिति, मानार्थ सदस्य र सल्लाहकारहरुको संयुक्त बैठकले क्लबका अध्यक्ष केशवबहादुर थापाको अध्यक्षतामा मूल आयोजक समिति गठन भएको महासचिवमा रामजीप्रसाद अधिकारीले बताए ।

क्लबका निर्वतमान अध्यक्ष विरभद्र आचार्यको अध्यक्षतामा एक सय १ सदस्य सल्लाहकार समिति गठन गरेको छ ।

१९ औं संस्करणको आहा ! रारा गोल्ड कप फुटबल प्रतियोगिताको संयोजकमा क्लवका बरिष्ठ उपाध्यक्ष हरिराम गुरुङ (सुरज) चयन भएका छन् । प्रतियोगितालाई सफल पार्न १६ वटा उपसमिति गठन भएको छ ।

पोखरामा आउँदो चैत १७ गते देखि १९ औं संस्करणको मोफसलको बहुप्रतिष्ठित राष्ट्रिय तथा अन्तराष्ट्रिय अन्तर क्लब स्तरिय आमन्त्रित आहा ! रारा गोल्ड कप फुटबल प्रतियोगिता हुने भएको हो ।