ताजा खबर

लोकदोहोरी प्रतिष्ठान गण्डकीद्वारा कलाकार र पत्रकारलाई बधाई एवं सम्मान

   ५ बैशाख २०७८, आईतवार २१:४७      514 views

राष्ट्रिय लोक तथा दोहोरी गीत प्रतिष्ठान गण्डकी प्रदेशले कलाकार र पत्रकारलाई बधाई सहित सम्मान गरेको छ ।

नव वर्ष २०७८ सालको उपलक्ष्यमा आयोजित शुभकामना आदानप्रदान, बधाई तथा सम्मान कार्यक्रममा प्रतिष्ठानले पत्रकार महासंघ कास्कीका नवनिर्वाचित पदाधिकारी सँगै गण्डकी प्रदेशका पदाधिकारी र राष्ट्रिय परिषद सदस्यहरुलाई बधाई दिएको हो ।

सो अवसरमा प्रतिष्ठानले पोखरा महानगर प्रज्ञा प्रतिष्ठानका कुलपति सँगै प्राज्ञ सदस्यहरुलाई समेत सम्मान गरेको छ ।

गुरुङ कलाकार संघ नेपालका केन्द्रिय अध्यक्ष शर्मिला गुरुङ र उपाध्यक्ष राजु गुरुङ समेत कार्यक्रमबाट सम्मानित भएका छन् । प्रतिष्ठान लमजुङका अध्यक्ष अनुज अधिकारी नेपाल पत्रकार महासंघ लमजुङको उपाध्यक्ष पदमा निर्वाचित भएकोमा उनलाई समेत सम्मान गरियो ।

कार्यक्रमबाट भर्खरै मात्र राष्ट्रपति विद्यादेवी भण्डारीद्वारा विभूषित हुनुभएकी “गाउँ शहरमा लमजुङ दरबार” गीतकी गायिका माया गुरुङलाई समेत प्रतिष्ठान बधाई सहित सम्मान गरियो ।

कार्यक्रममा बोल्दै गण्डकी प्रदेशका उपसभामुख सृजना शर्माले २०७७ सालमा कोरोना महामारीका कारण भएका समस्याहरुलाई समाधान गर्दै २०७८ सालमा सकरात्मक सोचका साथ अगाडि बढ्न शुभकामना दिइन् । उनले सानैमा आफु गीतसंगीतमा रुची राख्ने भएता पनि साथ दिने कोही नभएर पछाडी पर्नुपरेको बताइन् । राष्ट्रलाई पहिचान दिलाउन कलाकारको महत्वपूर्ण भूमिका रहेको भन्दै उनले कलाकारको हितमा राज्य लाग्नुपर्ने विषयलाई औंल्याइन् ।

शर्माले लोकदोहोरी सेन्सर बोर्डको विषयमा छलफलमा मात्रै सिमित रहेको बताइन् । उनले भनिन्,“ लोकदोहोरी सेन्सर बोर्डको विषयमा केवल छलफलमा सिमित रहयो ।

अब यसको टुङ्गो लाग्नुपर्छ । यसका लागि कलाकार स्वयमले पनि सरकारलाई दबाब दिनुपर्ने देख्छु ।” उनले लोकदोहोरी क्षेत्रलाई व्यवस्थित बनाउन आफ्नो पनि पहल रहने प्रतिबद्धता व्यक्त गरिन् ।

राष्ट्रिय लोक तथा दोहोरी गीत प्रतिष्ठान नेपालका केन्द्रिय अध्यक्ष रमेश बिजीले २०७७ साल कलाकारका लागि पीडादायक भएपनि २०७८ सालमा पीडा खेप्नुपर्ने स्थिति नहोस् भनि शुभकामना दिए । उनले कलाकारिता बाहिरबाट रंगीन देखिएपनि भित्र भने चोेट खेप्नुपरेको बताए । कलाकारिता पेशामै लागेर अझैपनि परिवार पाल्न सक्ने वातावरण भइनसकेको उनको भनाई थियो । राज्यको उदासिनताका कारण कलाकारिता क्षेत्र धरासायी बन्दै गएको उनले बताए ।

बिजीले झांगिएको वृक्षलाई झारपातले असर गरेजस्तै लोकदोहोरी क्षेत्रमा त्यस्ता झारपातहरु पलाएको उल्लेख गरे । उनले लोकदोहोरी क्षेत्रको संरक्षणका लागि झारपातहरुलाई गोड्नुपर्ने बेला आएको बताए । उनले कलाकार कुवा जस्तै हुनुपर्नेमा जोड दिएका छन् ।

खोला जस्तै बग्नुभन्दा पनि कुवा जस्तो एकै ठाउँमा रहेर तिर्खा मेट्नुपर्ने आवश्यकतालाई उनले औंल्याएका छन् । उनले हरेक सर्जक नैतिकतामा बाँधिनुपर्ने विषयलाई उठान गरेका छन् । महामारीका कारण आफुँ नेतृत्वको वर्तमान कार्यसमितिले सोचेजस्तो उपलब्धी मुलक कार्यक्रम गर्न नसकेपनि आगामी समयमा उत्पादनमुखी कार्यक्रममा जोड दिने प्रतिबद्धता व्यक्त गरे ।

गण्डकी प्रदेशका सांसद इन्द्रधारा बिष्टले राष्ट्रिय आकंक्षा “ समृद्ध नेपाल र सुखी नेपाली” अभिभारा पुरा गर्न कलाकार र पत्रकार एकैसाथ भएर लाग्नुपर्ने विषयलाई जोड दिए ।


नेपाल पत्रकार महासंघ कास्कीका नवनिर्वाचित अध्यक्ष बिमला भण्डारीले २०७८ साल जीवनलाई प्रगतीपथमा लैजान महत्वपूर्ण वर्ष बन्न सकोस् भनि शुभकामना दिइन् । उनले हिजो पनि पत्रकार कलाकारसँगै हातेमालो गरेको र आगामी दिनमा पनि सोही विषयलाई अनुसरण गर्ने बताइन् । भण्डारीले कलाकारिताले हेर्ने दृष्टिकोणमा परिवर्तन आएको तर अझैपनि यो क्षेत्रमा आत्मनिर्भर रहने आधार तय भइनसकेको बताइन् ।

राष्ट्रिय लोक तथा दोहोरी गीत प्रतिष्ठान गण्डकी प्रदेशका अध्यक्ष सुरेन्द्र गुरुङले स्वागत गर्दै २०७८ मा सबैलाई सकरात्मक सोचका साथ अगाडि बढ्न शुभकामना दिए । उनले राज्यले कलाकारलाई हेर्ने दृष्टिकोण अझै परिवर्तन नहुँदा समस्या खेप्नुपरेको औंल्याए ।

संगीत रोयल्टी, पारिश्रमिक र सेन्सर बोर्डका विषयमा समेत राज्य उदासिन बन्दा कलाकार र पत्रकारलाई समस्या परिररहेको भनाई उनको थियो । तीनै तहका सरकारले कलाकार र पत्रकारका विषयमा सोच्नुपर्ने विषयलाई उनले उठान गरेका छन् ।

0 0 vote
Article Rating

आजको खबर

Follow Us


साह्रै मज्जाको लेख, आनन्द आयो, आफ्नै गाँउघर पनि सम्झे । धन्य एकेन्द्र सर

Written by Biswasdip Limbu 2020-05-01 22:46:38

outstanding biography of yukta dai, may him long live

Written by ram chandra gurung 2020-01-08 02:54:15

Great achievement, kudos All Gurungs!!!

Written by Aalok Ghonday Ghotaney Konmey 2019-07-09 20:19:54

उस्तै खबर

0 टिप्पणी

Subscribe
Notify of
guest
0 Comments
Inline Feedbacks
View all comments


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ

बजार व्यवस्थापक: रमेश गुरुङ

Find Us

Stay connected and report to us!


NayaBazar, Pokhara, Nepal
+977-9846637284

Shares
0
Would love your thoughts, please comment.x
()
x
%d bloggers like this: