अन्नपूर्ण मा.वि.सिक्लेसका विद्यार्थीहरुलाई २ लाख २६ हजार छात्रवृत्ति वितरण

अन्नपूर्ण मा.वि.सिक्लेसका विद्यार्थीहरुलाई २ लाख २६ हजार छात्रवृत्ति वितरण

कास्कीको मादी गाउँपालिका वडा नं. १ सिक्लेसमा रहेको अन्नपूर्ण मा.वि.मा एक समारोहका बीच लाली गुराँस कोष छात्रवृत्ति वितरण कार्यक्रम सम्पन्न भएको छ ।

विद्यालय व्यवस्थापन समितिका अध्यक्ष भिमराज गुरुङको अध्यक्षतामा वितरण गरिएको छात्रवृत्ति कार्यक्रम वडा अध्यक्ष एवम कोष संयोजक सुरजकुमार गुरुङको प्रमुख आतिथ्यतामा सम्पन्न भएको हो ।

कक्षा १० सम्मका प्रति विद्यार्थी जनही ५ हजार ४ सयका दरले जम्मा २८ जना र कक्षा ११ र १२ का प्रति विद्यार्थीलाई जनही १० हजार ८ सयका दरले जम्मा ७ जनालाई गरि वितरण गरिएको थियो ।
विद्यालयका प्रधानाध्या२ लाख २६ हजार ८ सय पक शेखरनाथ तिवारीले स्वागत मन्तव्य सहित लाली गुराँस कोष छात्रवृत्तिको महत्वको बारेमा प्रकाश पार्नुभएको थियो ।

लाली गुराँस कोषले हालसम्म विद्यालयलाई एक करोड भन्दा बढी आर्थिक सहयोग गरिसकेको प्रमुख अतिथि सुरजकुमार गुरुङले बताउनुभयो । गरिब तथा जेहेन्दार विद्यार्थीलाई प्रदान गरिदैं आएको सो कोषबाट हालसम्म करिब ४ सय जना भन्दा बढी विद्यार्थीहरु लाभान्वित भईसकेका छन् ।

उक्त लाली गुराँस कोषलाई दिगो रूपमा संचालन गर्न भावी कोषको रूपमा करिब ११ लाख रुपैयाँ जगेडा कोषको रूपमा राखिएको छ । विद्यालयका शिक्षक गेहेन्द्र गुरुङले सो कार्यक्रमको संचालन गर्नुभएको थियो ।

साझा गर्नुहोस् : Share It :