अविरल वर्षाका कारण पोखरा १३ कमल पोखरी क्षेत्रका ४० घर डुबानमा
अविरल वर्षाको कारण महानगरपालिका वडा नं. १३ मा पर्ने कमल पोखरी क्षेत्रमा ४० घर डुबानमा परेका छन् ।
गएरातीदेखि परेको वर्षाका कारण ऐतिहासिक महत्व बोकेको कमल पोखरीमा समेत बाढी आउँदा पोखरीको अस्तित्व नै संकटमा परेको छ भने पोखरी वरपर निर्माण गरिएका मठ मन्दिर र भर्खरै रोपेको धानबालीमा समेत ठूलो क्षति पुगेको छ ।
डुबानमा परेपछि कमल पोखरीबासीलाई आवतजावतमा समेत समस्य परेको छ भने घर बाहिर पार्किङ गरि राखेको गाडी र मोटर साइकल एवम् स्कुटर समेत डुबेको छ । यस्तै नजिकै रहेको एउटा कुखुरा फर्म समेत डुबेको छ ।
क्षतिको विवरण एकिन नभएपनि बाढीले स्थानियबासीलाई ठूलै क्षति पुगेको कमल पोखरी संरक्षण समितिका अध्यक्ष चित्रबहादुर वि.क.ले जानकारी दिनुभयो ।
वर्षौ पुरानो इतिहास बोकेको कमल पोखरीलाई वर्षेनी आउने बाढी हरेक वर्ष क्षति पुरयाए पनि सम्बन्धित निकायले यसको संरक्षणमा भने खासै चासो नदेखाएको स्थानियले गुनासो गरेका छन् ।
विगतदेखि नै सिमसार क्षेत्रको रुपमा रहँदै आएको यो क्षेत्रमा २०४२ सालदेखि स्थानिय स्तरबाट पोखरीको संरक्षण हुँदै आएको र २०५२ सालबाट त्यस क्षेत्रमा मठमन्दिर निमार्ण गर्ने, पोखरीसम्म पुग्ने ८ सय मिटरको बाटो निर्माण गर्ने र तालको बीचमा नागको मूर्ति प्रतिष्ठापन गर्ने काम भएको थियो ।
हाल ३२ रोपनी क्षेत्रमा तालको पानी रहेको छ भने केही सिमसार क्षेत्र र केही जंगलको भाग समेत गरि कमल पोखरीले १ सय ८२ रोपनी जग्गा ओगोटेको छ । हरेक वर्ष नाग पञ्चमीमा यस पोखरी वरपर ठूलो मेला लाग्ने र पुजापाठ हुँदै आएको छ ।
आजको खबर
Follow Us
Written by Roy4371 2025-04-25 11:35:08
उस्तै खबर
Awesome https://lc.cx/xjXBQT
Written by Jada2935 2025-04-25 16:38:00