ताजा खबर

कोईदिम सामुदायिक वनमा शिताके च्याउ खेती तालिम सम्पन्न

   ६ माघ २०७९, शुक्रबार २१:३३      492 views

कोईदिम सामुदायिक वन उपभोक्ता समुह रिसिङ्ग २ कोईदिम तनहुँको आयोजनामा ३ दिने शिताके च्याऊ खेती तालिम सम्पन्न भएको छ ।

डिभिजन वन कार्यालय तनहुँको सहकार्य र सामुदायिक वन उपभोक्ता समुहको आर्थिक लगानीमा समुहको जिविकोपार्जन एवं गरिवी निवारण कार्यक्रम अन्तरत सो तालिम आयोजना गरिएको हो ।


तालिममा कोईदिम सामुदायिक वन उपभोक्ता समुहका २० जना सहभागिहरुले भाग लिएका थिए । सिताके च्याऊ स्वास्थ्य बर्दक पोषिलो र सजिलै उत्पादन हुने भएकाले साथै यसको बजार मुल्य पनि राम्रो हुनाले यसको खेती तर्फ देशभरि नै आकर्षक बढी रहेको छ ।


यो च्याऊ कटुसको मुढामा खेती गर्न सकिन्छ । यसका लागि कटुसको रुखका १० देखि ३० से मि व्यास भएका र एक मिटर लामो मुढा काटेर तयार गरिन्छ ।


कटुसको मुढामा साना साना प्वाल वनाई सिताके च्याऊको विऊ राखी मैनले छोपेर प्लाष्टिकको टनेलमा राखी ३ देखि ६ महिनामा च्याऊ उत्पान गर्न सकिने च्याऊ विशेषज्ञ एवं तालिमका प्रशिक्षक सितल गुरुङले जानकारी गराउनु भयो । तालिम गत माघ ३ गते देखि ५ गते सम्म संचालन भएको थियो ।

तालिमका सहजकर्ता वन अधिकृत कृष्णप्रसाद भट्टले सामुदायिक वनको जिविकोपार्जन एवं गरिवी निवारण कार्यक्रम अन्तरगत समुहको कुल आम्दानीको ३७.५ प्रतिशत रकम यस्ता सहज र सजिलै आर्थिक उत्पादन दिने तालिम एवं जिविकोपार्जन कार्यक्रममा खर्च गर्नुपर्ने प्रावधान अनुरुप तालिम संचालन भएको जानकारी गराउनु भयो ।


कोईदिम सामुदायिक वनका अक्षध्य यमबहादुर गुरुङको अध्यक्षतामा संचालन भएको तालिममा समुहका सल्लाहकार वुद्धिमान रानाले कार्यक्रम संचालन गर्नु भएको थियो ।

साझा गर्नुहोस् : Share It :

उस्तै खबर

0 टिप्पणी

Leave a Reply


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ
डेस्क इन्चार्ज : मिना थापा मगर

वेवसाइट प्रबन्धक: मणी तमु गुरुङ, गुरुङ मल्टीमिडिया

सम्पर्क | Contact Us

Stay connected and report to us!


NayaBazar, Pokhara, Nepal
+977-9846637284