कोरोना र बाढी पहिरो प्रभावित ४० जना मगर कलाकारलाई राहत वितरण
नेपाल मगर साँस्कृतिक कलाकार समन्वय समिति कास्कीले आज कोरोना र बाढी पहिरोबाट प्रभावित भएका आफना ४० जना सदस्यहरुलाई एक कार्यक्रमको आयोजना गरि राहत वितरण गरेको छ ।
समितिले कार्य समितिलाई नगद र अरु कलाकारहरुलाई खाद्यन्न गरि ४० जना कलाकारलाई राहत विगत गरेको समितिका अध्यक्ष सरिता सारु मगरले जानकारी दिनुभयो ।
खाद्यन्न वितरण कार्यक्रमलाई सम्बोधन गर्दै प्रमुख अतिथि नेपाली काँग्रेसका महासमिति सदस्य तथा पृथ्वीनारायण क्यापम्पस पोखराका पुर्व प्राध्यपक नवराज गुरुङले देशको नाम राख्ने र देशलाई अन्तर्राष्ट्रि जगतमा चिनाउने कलाकार विपतीको चपेटामा पर्दा समेत सरकारको ध्यान जान नसकेको बताउनुभयो ।
कलाकारलाई राष्ट्रले सधैं उचित सम्मान गर्नुपर्ने भन्दै उहाँले परि आए आफू सधैं कलाकारको सहयोगको निम्ती प्रतिबद्ध रहेको बताउनुभयो । निजी क्षेत्रका सहयोगी दाताहरुको पहलमा संकटमा परेका कलाकारलाई समितिले राहत बाँडेर ठूलो पुण्यको काम गरेको भन्दै आयोजकलाई उहाँले धन्यवाद समेत दिनुभयो ।
अहिले देश कोरोनाले भन्दा पनि बाढी पहिरोले बढी प्रभावित भएको भन्दै यतिबेला सरकार कहाँ छ भनेर आफूलाई प्रश्न गर्न मन लागेको उहाँको भनाई छ । कलाकार देशकै सम्पत्ति भएको भन्दै उनीहरुको उचित संरक्षण राज्यले गर्नुपर्ने गुरुङले बताउनुभयो ।
कार्यक्रम सम्पन्न गर्नका निम्ती बेलायतबाट नेप्लिज पिपुल युकेमा आबद्ध २४ जनाले १ लाख २५ हजार सहयोग गरेको छ । जुन सहयोग जुटाउन बेलायतमा कलाकार मधुसुदन थापामगर, पत्रकार मिलन तमू, जेएल गुरुङ र कुलराज गुरुङले विशेष पहल गर्नुभएको थियो ।
यस्तै हङकङ निवासी हेम पुनले ३० हजार, कतार निवासी देवेन्द्र रानामगरले ५ हजार ५ सय ५५, संस्थाका अध्यक्ष सरिता सारु मगरले ५ हजार र व्यवसायी दानबहादुर श्रीषमगरले २ हजार ५ सय रुपैंया सहयोग गर्नुभएको समितिका सचिव सुरेश रानामगरले जानकारी दिनुभयो ।
आजको खबर
Follow Us
उस्तै खबर
Very good https://is.gd/N1ikS2
Written by Ray2289 2025-04-29 18:48:13