खिलाङ तमू समाजको ३६औं वार्षिक उत्सव सम्पन्न, सिक्लेसमा निर्माणाधीन क्होंइबोलाई आर्थिक सहयोग

खिलाङ तमू समाजको ३६औं वार्षिक उत्सव सम्पन्न, सिक्लेसमा निर्माणाधीन क्होंइबोलाई आर्थिक सहयोग

खिलाङ तमू समाज पोखराले आज एक कार्यक्रमको आयोजना गरि आफनो ३६औं वार्षिक उत्सव मनाएको छ ।

कोभिड–१९ को जोखिमका कारण समाजका कार्य समिति मात्रै उपस्थित भएर केक काटदै सामान्य रुपमा आफनो वार्षिक उत्सव मनाएको मादी १ का वडा सदस्य तथा खिलाङ गाउँका समाजसेवी टिकाराम गुरुङले जानकारी दिनुभयो ।

सो अवसरमा खिलाङ तमू समाजले सिक्लेसको हर्पुथरमा निर्माण भइरहेको नम्चु चिउली युउला क्होंइबोको लागि १ लाख रुपैंयाँ क्होंइबो निर्माण समितिका अध्यक्ष एवम् तमू प्ये ल्हु संघ केन्द्रिय पच्यु समितिका अध्यक्ष कुलप्रसाद गुरुङलाई हस्तान्तरण गर्नुभयो ।

सोही कार्यक्रममा खिलाङ तमू समाजका पुर्व अध्यक्ष रनबहादुर गुरुङले ५० हजार १० रुपैंयाँ क्होंइबो निर्माण सिमितिका अध्यक्ष कुलप्रसाद गुरुङलाई हस्तान्तरण गर्नुभयो । यस्तै पार्चे लेम्मै भाइखलकका सदस्यहरु तथा अन्य व्यक्तिहरुबाट पनि सो क्होंइबोको सहयोगार्थ ६० हजार २ सय १० रुपैंयाँ संकलन गरि जम्मा २ लाख १० हजार प्रदान गरिएको थियो ।

यस्तै आजै खिलाङ तमू समाजले सिक्लेसकै धप्राङथरमा निर्माण भई रहेको अर्को क्होंइबोको लागि पनि ५० हजार रुपैंया आर्थिक सहयोग गरेको छ । क्होइबो निर्माण समितिका अध्यक्ष पमबहादुर गुरुङलाई समाजका अध्यक्ष गणेशबहादुर गुरुङले सो सहयोग रकम हस्तान्तरण गर्नुभएको हो ।

सो क्होंइबोलाई समाजका पुर्व अध्यक्ष रनबहादुर गुरुङले पनि नगद ५ हजार सहयोग गर्नुभएको छ । वार्षिक उत्सवको अवसरमा समाजका संस्थापक सचिव नरसुब्बा गुरुङले आफू ८४ वर्ष पुगेको उपलक्ष्यमा खिलाङ तमू समाजलाई नगद १ लाख ११ हजार १ सय ११ रुपैंया आर्थिक सहयोग गर्नुभयो छ ।

उहाँले यसअघि पनि आफनो ८४औं जन्म उत्सवको अवसरमा खिलाङ गाउँको बसपार्कमा पनि ३ लाख बराबरको प्रतिक्षालय निर्माण गरिदिनु भएको छ ।

समाजका अध्यक्ष क्याप्टेन गणेशबहादुर गुरुङले केके काटेर कार्यक्रमको शुभारम्भ गर्नुभएको थियो । कार्यक्रममा जनप्रतिनिधि टिकाराम गुरुङले कोरोना भाइरस सम्बन्धी कविता लेखेर वाचन गर्नुभएको थियो ।