गणतन्त्र दिवसको अवसरमा संगठन सुदृढीकरण प्रशिक्षण सम्पन्न

अखिल नेपाल महिला संघ पोखरा महानगर कमिटी वडा नं १४ ले पार्टीका सदस्यहरुको लागि १ दिने प्रशिक्षण सम्पन्न गरेको छ ।

गणतन्त्र दिवसको अबसर पारी संगठन सुदृढीकरण बिषयक प्रशिक्षण तथा सम्मान कार्यक्रम गरेको हो ।

अखिल नेपाल महिला संघको स्थायी कमिटी सदस्य तारामाया थापाको प्रमुख आतिथ्यतामा भएको प्रशिक्षणमा मुख्य प्रशिक्षकको रुपमा संघका प्रदेश अध्यक्ष हिरा गिरी रहनुभएको थियो । गिरीले संघको संगठन निर्माण र परिचालन, वैठक संचालनको विधि सम्वन्धमा प्रशिक्षण दिनु भएको थियो । प्रभावकारी र प्रविधि मैत्री हिसाबले संचालन भएको प्रशिक्षण विधि अत्यन्त उत्कृष्ट रहेको थियो ।

प्रमुख अतिथि थापा मगरले महिलाहरुले आफ्नो अधिकार सुनिश्चितताको लागि खुलम खुल्ला बोल्न पाउनु गणतन्त्रको उपलब्धी भएको बताउँदै गणतन्त्रलाई संस्थागत ढंगले बगाडि बढाउनुपर्ने बताउनुभयो । उहाँले केन्द्रिय कमिटिको सर्कलर अनुसार गणतन्त्र दिवसको अवसरमा उक्त प्रशिक्षणको आयोजना गरिएको जानकारी पनि दिनुभयो ।

प्रशिक्षणमा संघका जिल्ला अध्यक्ष गिता बि क, महानगर कमिटीका अध्यक्ष पार्वती कार्की, महानगर कमिटीका उपसचिव सरिता वास्तोला, पार्टी वडा कमिटीका अध्यक्ष बटु कृष्ण कुंवर लगायतले शुभकामना दिनुभएको थियो ।

अखिन नेपाल महिला संघ वडा कमिटिका अध्यक्ष रमा वरालको अध्यक्षतामा भएको कार्यक्रमको संचालन वडा सचिव सरिता गुरुङले गर्नु भएको थियो भने पार्टी वडा कमिटीका अध्यक्ष वटु कृष्णले शुभकामना मन्तव्य दिनु भएको थियो ।

प्रशिक्षणमा वडा भरिका करिव ८० जना अगुवा महिलाको उपस्थिति रहेको थियो ।