गण्डकी प्रदेश प्रमुख गुप्तेश्वर महादेव गुफाको महाआरतिमा सहभागी

गण्डकी प्रदेश प्रमुख गुप्तेश्वर महादेव गुफाको महाआरतिमा सहभागी

गण्डकी प्रदेश प्रमुख बाबुराम कुँवरले पोखरा महानगरपालिका वडा नं. १७ छोरेपाटनमा रहेको गुप््तेश्वर महादेवको पुजा एवम् महाआरतिमा सहभागी भएका छन् ।

साउनको दोश्रो सोमबार उनले विहान गुफामा रहेको महादेवको मन्दिरमा विधिपूर्वक पूजाआजा गर्नुका साथै साँझमा भएको महाआरतिमा मुख्य कर्ताको रुपमा सहभागी भएका हुन् ।

सो अवसरमा मन्दिरका पुजारीद्धय तारानाथ आचार्य र गोकुल अधिकारीका साथै बटुकहरुले पुजा गराएका थिए ।

प्रदेश प्रमुखको स्वागतको लागि समितिका कार्यवाहक अध्यक्ष गोपाल वराल, उपाध्यक्ष इश्वरी प्रसाद लम्साल, सचिव हरि लम्साल, पुजा उपसमिति संयोजक सीता वराल लगाएतका व्यवस्थापन समितिका पदाधिकारीले फुलमाला लगाएर स्वागत गरेका थिए । गुफामा साउन महिनाको हरेक सोमबार दर्शनार्थीको भिड लाग्छ भने शिवरात्रीका बेला विशेष मेला लाग्ने प्रचारप्रसार समितिका कृष्ण रानाभाटले वताए ।

गुफाले हरेक सोमबार साँझ साँढे छ वजेबाट गर्दै आएको महाआरतिमा भक्तजनहरुको उल्लेख्य उपस्थिति रहेको र कर्ताहुन चाहनेहरु नामदर्ता गरी आरतिमा सरिक हुँदै आएका कार्यलय प्रमुख नारायण पौडेलले वताए ।

साझा गर्नुहोस् : Share It :