गाउँपालिकाकी उपाध्यक्ष सवार जिप कर्णाली नदीमा खस्यो

गाउँपालिकाकी उपाध्यक्ष सवार जिप कर्णाली नदीमा खस्यो

सुर्खेत । कर्णाली नदीमा मंगलबार दिउँसो एक जिप खसेको छ ।

हुुम्लाको खार्पुुनाथ गाउँपालिका वडा नम्बर–५, कैलाबालु भन्ने ठाउँबाट लु१ज ७१६६ नम्बरको जिप कर्णाली नदीमा खसेको हो ।

हुम्लाकै सिमकोटबाट खार्पुनाथतर्फ जाँदै गरेको जिप नदीमा खसेको कर्णाली प्रदेश प्रहरी कार्यालयका एसएसपी मोहन आचार्यले पुष्टि गरे ।

सो जिपमा खार्पुुनाथ गाउँपालिकाकी उपाध्यक्ष सिन्धुु शाही र उनका आफन्तहरु सवार रहेको गाउँपालिकाका अध्यक्ष कर्णबहादुर रावलले जानकारी दिए । यद्यपि, जिपमा कति यात्री सवार थिए भन्ने खुलेको छैन । यात्रीहरुको अवस्था पनि पत्ता लागिनसकेको एसएसपी आचार्यले बताए ।

नेपाली सेनाका प्रवक्ता विज्ञानदेव पाण्डेले हेलिकोप्टरमार्फत् पुगेर नेपाली सेनाले उद्धारको प्रयास गरेको र यकिन विवरण आउन नसकेको बताए । दुर्घटनाको विस्तृत् विवरण आउन बाँकी छ ।

साझा गर्नुहोस् : Share It :

आजको खबर

तमु साँस्कृतिक प्रतिष्ठानद्धारा छात्रवृत्ति वितरण

तमु साँस्कृतिक प्रतिष्ठान नेपालद्धारा शैक्षिकसत्र २०८१ को लागि “तमु विद्यार्थी छात्रवृत्ति वितरण कार्यक्रम’ यही असोज ३ गते, बिहीबार पोखरा फिर्केस्थित पोखरा इन्जिनियरिङ कलेजको सभाहलमा सम्पन्न…

अझै पढ्नुहोस्