ताजा खबर

टहोटे झाँकी रयालीमा चिउली पार्चे तमू समाज प्रथम, ताङतिङ दुधपोखरी तमू समाज द्धितिय

   २८ श्रावण २०७६, मंगलवार २०:०५      1,590 views

पोखरामा आज सम्पन्न भएको टहोटे रयालीमा सहभागी तमू समाज मध्ये उत्कष्ट झाँकीको पुरस्कार चिउली पार्चे तमू समाजले हात पारेको छ । उपाधीसँगै समाजले नगद १५ हजार सहित सम्मान पत्र र शिल्ड पनि पाएको छ ।

यस्तै द्धितिय पुरस्कार ताङतिङ दुध पोखरी तमू समाजले जितेको छ । समाजले पुरस्कार स्वरुप नगद १० हजार शिल्ड र प्रशंस पत्र पाएको छ भने तृतिय हुन सफल फूलबारी तमू समाजले नगद ५ हजार सहित प्रशंस पत्र र मायाको चिनो प्राप्त गरेको छ ।

यसैगरि बगर तमू समाज, तनहुँ तमू समाज र याङजाकोट तमू समाजले सान्त्वना पुरस्कार प्राप्त गरेको छ । तीन वटै समाजले नगद ३ हजार सहित प्रशंस पत्र र मायाको चिनो पाएको छ ।

भने कार्यक्रममा घाँटु नाच प्रस्तुत गरेको आँधी खोला तमू समाज र झोरा नाच प्रस्तुत गरेको कोल्मा बाहाकोट तमू समाजलाई पनि सान्त्वना पुरस्कार प्रदान गरिएको छ । झाँकी रयालीमा तमू धि नेपालमा आवद्ध ४५ वटा तमू समाजले भाग लिएको थियो । कार्यक्रममा विभिन्न तमू समाजहरुका तर्फबाट नृत्य समेत प्रस्तुत गरिएको थियो ।

यसैबीच तमू धि नेपालले सञ्चालन गरेको आकस्मिक राहत कोषमा बगर तमू समाजका संस्थापक अध्यक्ष रक्षाबहादुर गुरुङले नगद १ लाख प्रदान गर्नुभएको छ । भने सिमपानी तमू समाजको तर्फबाट अध्यक्ष गंगाबहादुर तमूले ५० हजार, पैयु खोला तमू समाजको तर्फबाट अध्यक्ष बलबहादुर तमूले ५० हजार र फूलबारी तमू समाजको तर्फबाट अध्यक्ष तिलबहादुर तमूले ५० हजार नगद तमू धि नेपालकी अध्यक्ष कर्म तमूलाई हस्तान्तरण गर्नुभएको छ ।

साझा गर्नुहोस् : Share It :

उस्तै खबर

0 टिप्पणी

Leave a Reply


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ
डेस्क इन्चार्ज : मिना थापा मगर

वेवसाइट प्रबन्धक: मणी तमु गुरुङ, गुरुङ मल्टीमिडिया

सम्पर्क | Contact Us

Stay connected and report to us!


NayaBazar, Pokhara, Nepal
+977-9846637284