ट्युमर रोगबाट पिडित स्याङ्जाका सुमन गुरुङलाई १० लाख १९ हजार आर्थिक सहयोग

स्याङजाको माझकोट शिवालय खाल्टे स्थायी घर भइ हाल पोखरा निवासी सुमन गुरुङको उपचारमा विभिन्न व्यक्ति तथा संघ संस्थाले आर्थिक सहयोग गरेका छन् ।

माझकोट आठथर तमु समाज पोखराका सक्रिय सदस्य तौमाया गुरुङ र स्व. भुलबहादुर गुरुङको छोरा २१ वर्षका सुमन गुरुङको शरीरको मेरुदण्ड लगायत विभिन्न भागहरुमा आएको ट्युमरले गर्दा कान नसुन्ने, प्रस्ट बोल्न नसक्ने, हातखुट्टा आंशिक रुपमा चल्ने, दिसा पिसाब गर्न नसक्ने अवस्थामा रहेकोले उहाँको उपचारको लागि विभिन्न व्यक्तिहरु र संघ संस्थाले संकलन गरेको रकम उहाँको घरमै पुगि परिवारलाई हस्तान्तरण गरिएको छ हो।

जसमा माझकोट आठथर तमु समाज पोखराका सदस्यहरुबाट १ लाख ९ हजार सोहि समाजका यु.के. संयोजक खौबहादुर गुरुङ्द्वारा संकलित ४ लाख ३५ हजार हङकङका संयोजक मुककाजी गुरुङद्वारा भीरकोट आठथर तमु समाज स्याङ्गजा हङकङका सदस्यसँग संकलित रकम ४ लाख ७५ हजार जम्मा १० लाख १९ हजार रकम समाजको तर्फबाट क्या.डम्बर गुरुङ, यु.के. को तर्फबाट जित गुरुङ र हङकङको तर्फबाट नेत्र गुरुङले नगद रकम हस्तान्तरण गरिएको समाजका सचिव गुप्तबहादुर गुरुङ (जिबि) ले जानकारी दिनुभयो ।