तमू धीं युकेका उपाध्यक्ष जुमकाजी गुरुङलाई मातृशोक

रामबजार सोसाइटी युकेका निवर्तमान अध्यक्ष तथा तमू धीं युकेका वर्तमान उपाध्यक्ष जुमकाजी गुरुङलाई मातृशोक परेको छ ।

उहाँकी ममतामयी आमा मनसुबा गुरुङको बेलायतमा ८५ वर्षको उमेरमा हृदयघातबाट दुःखद निधन भएको हो ।

पर्वतको मोदी गाउँपालिका वडा नं. १ ताङ्ले स्थायी घर भएका गुरुङको परिवारको पोखरा १० रामबजारमा पनि बसोबास भई हाल स–परिवार युकेको फार्नबोरोमा बस्दै आएको छ ।

स्व.गुरुङको एक छोरा र दुई छोरी हुनुहुन्छ । गुरुङको निधनप्रति तमू धीं युके, रामबजार सोसाइटी युके लगायतको संस्थाले दुःख व्यक्त गरेको छ ।