नेपाली काँग्रेसको तर्फबाट मादी गाउँपालिका अध्यक्षमा देवीजंग गुरुङको उम्मेदवारी

नेपाली काँग्रेसले मादी गाउँपालिका कास्कीको अध्यक्षमा युवा नेता देवीजंग गुरुङलाई उम्मेदवार बनाएको छ । आकांक्षीहरुबीचको कडा प्रतिस्पर्धाबाट गुरुङको नाम सिफारिस भएको हो ।

कास्कीको मादी गाउँपालिका वडा नं. ३ याङजाकोट निवासी गुरुङले किशोर अवस्थादेखि नै नेपाली काँग्रेसमा आबद्ध भई राजनीतिक जीवनको शुरुवात गर्नुभएको थियो । उहाँ नेपाली काँग्रेस मादी गाउँपालिकाको अध्यक्ष समेत हुनुहुन्छ ।

यसअघिको स्थानिय तह निर्वाचनमा पनि उहाँ नेपाली काँग्रेसको तर्फबाट गाउँपालिका अध्यक्षको उम्मेदवार भएपनि एमालेका उम्मेदवार वेदबहादुर गुरुङसँग पराजित हुनुभएको थियो ।