पोखरा २३ मा आदिवासी जनजाति उद्घोषण तालिम सम्पन्न

हुम तमू

पोखरा महानगरपालिका वडा नं. २३ का आदिवासी जनजातिहरुको सशक्तिकरण एवम् क्षमता अधिवृद्धिका लागि आयोजित तीन दिने उद्घोषण तालिम आइतवार सम्पन्न भएको छ।
कहिल्यै मञ्चमा पुग्ने अवसर नपाएका र माइक्रोफोन कहिल्यै समाउन नपाएका तालिममा सहभागी वडाका आदिवासी जनजातिहरुले तालिम अवधि छोटो भयो भन्दै आगामी दिनमा पनि तालिमको माग गरेका थिए।

उनीहरुले तीनदिने तालिमले उद्घोषण तथा बोल्नेकलाका बारेमा सैद्धान्तिक धेरै ज्ञान पाएको र अभ्यासको कमि भएको बताएका थिए।ग्रामीण क्षेत्रका आदिवासी जनजातिहरु सहभागी रहेको कार्यक्रम किसानहरुका लागि खेतबारीमा काम गर्नुपर्ने समय समेत भएकाले केही व्यवहारिक समस्या परेको उनीहरुको भनाई थियो।

तिनदिने तालिममा नेपाल आदिवासी जनजाति पत्रकार महासंघ(फोनिज)का प्रदेश इञ्चार्ज तथा कास्की आवाज दैनिकका सम्पादक हुमबहादुर गुरुङ र नेपाल पत्रकार महासंघ प्रदेश सचिव तथा कास्की आवाज दैनिक पत्रिकाका कार्यकारी सम्पादक रुद्र श्रीस मगरका साथै कार्यक्रम संयोजक लक्ष्मी गुरुङले सहजीकरण गर्नुभएको थियो।

आदिवासी जनजातिहरु बनबोलेकै कारण पछि परेको हो भन्दै सार्वजनिक कार्यक्रममा कसरी बोल्ने, किन बोल्ने, बोलेर के हुन्छ र बोल्ने एवम कार्यक्रम उद्घोषकले ध्यान पुर्याउनुपर्ने, तयारी गर्नुपर्ने लगायतका विषयमा प्रष्टाएका थिए।
आदिवासी जनजाति समन्वय समिति पोखरा महानगरपालिका २३का अध्यक्ष रनब

हादुर रानाको सम्पन्न तीन दिने उद्घोषण तालिममा पोखरा २३ मा बसोवास गर्ने गुरुङ, मगर, भुजेल ३५ जना आदिवासी जनजाति प्रशिक्षार्थीहरुको सहभागीता रहेको थियो।