मगर संसारद्धारा बागलुङकी बिनिसा र सुनवलका एन्जल बुढाथोकीलाई आर्थिक सहयोग हस्तान्तरण

बाग्लुङकी बिरामी बिनिसालाई मगर संसारद्वारा रू.२५,०२५ सहयोग हस्तान्तरण गरिएको छ । अनलाइन फेसबुक ग्रुप मगर संसार संसार फोटो ग्यालरीले २८६ औं आर्थिक सहयोग हस्तान्तरण सम्पन्न गरेको छ ।

बाग्लुङ जिल्ला तमानखोला १ निवासी श्री भेजिन्द्र रोका मगरको छोरी ३ बर्षीय बिनिशा रोका मगरको निमोनियाको कारण सिकिस्त भई टिचिङ अस्पताल काठमाडौंमा उपचार भैरहेको र थप उपचारको लागि निजको आर्थिक अवस्था कमजोर भएको हुँदा बुबा भेजिन्द्रले मगर संसारसँग सहयोग अपील गरेका थिए ।

सोही अनुरुप मगर संसारले बिनिसा बचाउ अभियान सुरु गरेको र अभियानबाट २५,०२५ रुपियाँ संकनल भएकोमा सो रकम बिरामी लाई हस्तान्तरण गरिएको छ । सहयोग रकम मगर संघ क्षेत्रीय समिति बुर्तिबाङको रोहबरमा बुझाइएको अभियानका संयोजक अनिल लामिछाने थापा मगरले बताए ।

सुनवलका एन्जल बुढाथोकी मगरलाई आर्थिक सहयोग सम्पन्न

यसैगरी मगर संसारले अर्को सहयोग नवलपरासी जिल्ला सुनवलका एन्जल बुढाथोकी मगरलाई प्रदान गरेको छ । मगर संसारको यो २८७ औ सहयोग हो ।
नवलपरासी जिल्ला सुनवल ३ नदुवा निवासी बोनम्यारो पिडित १६ बर्षीय एन्जल बुढाथोकी मगरको थप उपचारको लागि रू. २४,५०० सहयोग संकलन गरी मगर संसारका एडमीन प्रिया रानामगर र अशिम पुन मगरले विरामीलाई हस्तान्तरण गरेका छन् ।

अर्थिक अवस्था कमजोर भएका दुःखी, गरीव, असहाय विरामीहरुलाई सहयोग संकलन गर्दै आएको मगर संसारको यो २८७ औं सहयोग हो । आर्थिक सहयोग गर्नुहुने सहयोगदाताहरुलाई अभियानका संयोजक अनिल लामिछाने मगरले विशेष धन्यवाद व्यक्त गरेका छन् ।