मादी गाउँपालिका अध्यक्ष वेदबहादुर गुरुङको गाडी तोडफोडमा संलग्न ताङतिङका साजन गुरुङ पक्राउ

कास्कीको मादी गाउँपालिकाका अध्यक्ष वेदबहादुर गुरुङ (श्याम) को गाडी ताङतिङका एक स्थानिय युवाले तोडफोड गरेका छन् । ग १ झ ३०४ नं. को महेन्द्र गाडी हिजो राती तोडफोड भएको हो ।

ताङतिङका १९ वर्षिय साजन गुरुङले रक्सी खाएको बेला राती गाडीफोड गरेको गाउँपालिका अध्यक्ष वेदबहादुर गुरुङले जानकारी दिनुभयो । घटनाबाट गाडीमा सामन्य क्षति भएको छ ।

तोडफोड गर्ने स्थानिय साजन गुरुङलाई हिजै रामबजार प्रहरी चौकीमा बुझाएको अध्यक्षले जानकारी दिनुभयो ।

गाउँपालिका अध्यक्ष गुरुङ मंगलबार वडाको मिटिङका लागि वडा नं. २ ताङतिङ पुग्नु भएको थियो घरमा गाडी राख्न नमिल्ने भएकाले सडक छेउमै राखेको गाडीमा तोडफोड भएको हो ।