मिलन फाउन्डेशन नेपाल र तमूस्यो रिं च्हमीद्धारा पोखराका पत्रकारहरुलाई सम्मान

मिलन फाउन्डेशन नेपाल र तमूस्यो रिं च्हमीको संयुक्त आयोजनामा आज पोखरामा पत्रकारहरुका लागि स्वागत तथा सम्मान कार्यक्रम सम्पन्न भएको छ ।

हालै लमजुङको क्होंला सोंथर गाउँपालिका वडा नं ६ पसगाउँमा सम्पन्न भएको तमू सञ्चारकर्मी संघ नेपालको चौंथो राष्ट्रिय महाधिवेशनबाट निवार्चित महासचिव रोशनी गुरुङ तथा सदस्यहरु मणिलाल गुरुङ, खिमा गुरुङ, नविन गुरुङ र किरण गुरुङ एवम् गण्डकी प्रदेशका प्रमुख अमिक शेरचनका प्रेस संयोजक रुद्र श्रीषमगरलाई खादा फेटा र पछयौरी अढाएर फाउनडेशनकी संरक्षक सावित्री गुरुङ र तमूस्यो रिं च्हमीकी अध्यक्ष गौरी मिलन तमूस्योले सम्मान गर्नुभएको थियो ।

सो अवसरमा संरक्षक सावित्री गुरुङले सबै पत्रकारहरुलाई आउने दिनमा अझै प्रगति गर्दै अगाडी बढन आर्शीवाद दिनुभयो ।

यसैबीच सोहि कार्यक्रममा मिलन फाउन्डेशनकै मातहतमा सञ्चालित आयुर आर्गनिक कृषि फर्मको समेत आजैबाट शुभारम्भ गरिएको छ ।

पर्वतको मोदी गाउँपालिका वडा नं. ५ खोला खेतमा निर्माणाधिन अवस्थामा रहेको सो फर्मबाट आगामी दिनमा माछा, फलफूल, ताजा तरकारी लगायत कृषि सम्बन्धी सबै सामग्री उत्पादन गरिने मिलन फाउन्डेशनका प्रवक्त रुद्र श्रीस मगरले जानकारी दिनुभयो ।