ल्होछार कप पोखरा ओपन टेनिस आजदेखि

ल्होछार कप पोखरा ओपन टेनिस आजदेखि

लामा ब्रदर्श पोखराको आयोजनामा लेकसाइडमा आजदेखि ‘ल्होछार कप पोखरा ओपन टेनिस प्रतियोगिता’ हुने भएको छ । तामाङ्गहरुको पर्व सोनाम ल्होछार पर्वको अवसरमा बिहिबारदेखि शुरु हुने प्रतियोगिता गुरुङ्ग भिलेज टेनिस कोर्टमा सञ्चालन हुनेछ ।

एक सातासम्म चल्ने प्रतियोगितामा एक विदेशी सहित पोखराका २७ जना खेलाडी उपाधीका लागि भिड्ने छन् । जर्मनका थोमसले पनि प्रतियोगितामा सहभागिता जनाएका हुन् । प्रतियोगितामा विजेता, उप–विजेता तथा उत्कृष्ट खेलाडीलाई नगद सहित पुरस्कृत गरिने बताइएको छ । लामा ब्रदर्शका सदस्यहरु बिरेन्द्र लामा, केबी लामा र लक्ष्मण लामाको सकृयतामा प्रतियोगिता आयोजना भएको हो ।

ल्होछार पर्वका अवसरमा शुभ–कामना साटासाटसंगै टेनिस खेलको विकास र प्रवद्र्धनका लागि प्रतियोगिता आयोजना गरिएको प्रतियोगिता संयोजक बिरेन्द्र लामाले जानकारी दिए । बैदाम तामाङ्ग समाजका अध्यक्ष ज्याक तामाङ्गले बिहिबार विहान प्रतियोगिताको उद्घाटन गर्नेछन् । यो प्रतियोगिताको दोश्रो संस्करण हो । एक वर्ष रोकिएको प्रतियोगितालाई आगामी वर्षदेखि भने निरन्तरता दिइने जनाइएको छ ।

साझा गर्नुहोस् : Share It :

Sustainability in business practices is increasingly important Explore articles on environmentally friendly initiatives and sustainable business practices on Iraq Business News