ताजा खबर

सात बिरामीलाई तमु धिं नेपालले साढे ३ लाख सहयोग

   ८ बैशाख २०८१, शनिबार २०:३७      125 views

आर्थिक अभावका कारण उपचार गर्न समस्यामा परेका ७ बिरामीलाई तमु धिं नेपालले शनिवार ३ लाख ५० हजार रुपैया सहयोग हस्तान्तरण गरेको छ। पोखरा ९ नयाँबजार स्थित तमु धिंमा आयोजित कार्यक्रममा तमु धिं नेपालका परम आदरणीय / परम संरक्षक स्वर्गीय मेजर जय- स्व.उदय चन्द्र – मेजर्नी रुपकुमारी गुरुङ स्वास्थ्योपचार कोषको ब्याजबाट तमु धिंले सहयोग हस्तान्तरण गरेको हो।

कार्यक्रममा कोषदाता तमु धिं नेपालका परम आदरणीय मेजर्नी रुपकुमारी गुरुङ, लक्ष्मी गुरुङ र तमु धिं अध्यक्ष हुमबहादुर गुरुङले बिरामीहरुलाई शिघ्र स्वास्थ्यलाभको कामना गर्दै जनही ५० हजार रुपैयाका दरले सहयोग हस्तान्तरण गरिएको हो । उपचार सहयोग प्राप्त गर्ने बिरामीहरुमा पर्वत फलेवास नगरपालिका ८ का युसेफ नेपाली, मादी गाउँ पालिका ५ की माया कुमारी गुरुङ, स्याङ्जा पुतलीबजार नगरपालिका ११ की अनु गुरुङ, रुपा गाउँ पालिका ५ का चन्द्र बहादुर गुरुङ, मादी गाँपालिका ३ कि रिता पौडेल, माछापुच्छ्रे गाउँ पालिका ३ की दरिमाया पुन र क्होला सोंथार ४, भुजुङ लमजुङका कृष्ण बहादुर गुरुङ रहेका छन ।

तमु धिं नेपालमा स्थापित एक करोड १५१ रुपैयाको स्व.मे.जय-स्व.उदयचन्द्र-मेजर्नी रुपकुमारी स्वास्थ्योपचार कोषको ब्याजबाट एक बर्षमा पन्ध्र जना बिरामीलाई उपचार सहयोग गरिएको तमु धिं नेपाल अध्यक्ष हुमबहादुर गुरुङले जानकारी दिनुभयो ।

अध्यक्ष हुमबहादुर गुरुङको अध्यक्षतामा भएको कार्यक्रममा प्रमुख अतिथी मेजर्नी रुपकुमारी गुरुङले बिरामीहरुलाइ आशिर्वाद प्रदान, वरिष्ठ उपाध्यक्ष सुमे श्रीप्रसाद गुरुङले स्वागत र महासचिव जुनाकुमारी गुरुङको कार्यक्रम संचालन गर्नुभएको थियो ।

साझा गर्नुहोस् : Share It :

उस्तै खबर

0 टिप्पणी

Leave a Reply


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ
डेस्क इन्चार्ज : मिना थापा मगर

वेवसाइट प्रबन्धक: मणी तमु गुरुङ, गुरुङ मल्टीमिडिया

सम्पर्क | Contact Us

Stay connected and report to us!


NayaBazar, Pokhara, Nepal
+977-9846637284