सिक्लेसका अग्निपिडित दुर्गा परियारलाई मादी गाउँपालिकाको तर्फबाट ३० हजार सहयोग

कास्कीको मादी गाउँपालिका वडा नं. १ सिक्लेस धप्राङथर निवासी अग्निपिडित दुर्गा परियारलाई मादी गाउँपालिकाको तर्फबाट ३० हजार रुपैंया आर्थिक सहयोग प्रदान गरिएको छ ।

गाउँपालिका अध्यक्ष वेदबहादुर गुरुङ (श्याम), वडा नं. २ का वडा अध्यक्ष एकजंङ गुरुङ र कार्यपालिका सदस्य कल्पना गुरुङको विशेष उपस्थितीमा पिडित परियारलाई नगद ३० हजार रुपैयाका साथै दुई बोरा चामल, दुई किलो दाल, दुई किलो नून, दुई किलो चिनी र दुई लिटर तेल समेत गाउँपालिकाको तर्फबाट उपलब्ध गराएको मादी २ का वडा अध्यक्ष एकजंङ गुरुङले जानकारी दिनुभयो ।

सहयोग रकम प्रदान गर्दै गाउँपालिका अध्यक्ष वेदबहादुर गुरुङले पिडित परियारले अब नयाँ घर निर्माण गाउँपालिकाको तर्फबाट घर छाउने जस्ताको पाता सहयोग स्वरुप उपलब्ध गराउने प्रतिबद्धता जनाउनु भएको छ ।

गत वैशाख २० गते परियारको घरमा आगलागी हुँदा लत्ताकपडा, भाँडाकुँडा, अन्नपात सबै जलेर नष्ट भएको थियो ।