सिद्ध माविमा खेलकुद पुरस्कार वितरण

सिद्ध माविमा खेलकुद पुरस्कार वितरण

सिद्ध मावि पोखरा १५ फलेपाटनमा शैक्षिक सत्र २०७६ को खेलकुद पुरस्कार वितरण गरिएको छ ।

कार्यक्रममा पुरस्कार तथा मेडल वितरण गर्दै प्रमुख अतिथि पोखरा महानगरपालिका वडा नंंं. १५ का वडाध्यक्ष प्रकाश पौडेलले मेडल प्राप्त नगर्ने विद्यार्थीहरुलाई अर्को शैक्षिक सत्रमा कडा मिहिनेत गर्न अनुरोध गर्नुभयो ।

हरेक विद्यार्थी विशेष क्षमता लिएर जन्म लिने भएकाले कोही खेलकुदमा, कोही पढाईमा त कोही कला साहित्यमा अगाडि हुने हुनाले आफूमा भएको अन्र्तनिहीत प्रतिभाको पहिचान गरि अगाडि बढ्न आग्रह गर्नुभयो ।

विद्यालय व्यवस्थापन समितिका अध्यक्ष शिवबहादुर भण्डारीले सम्पूर्ण विद्यार्थीलाई बधाई दिँदै खेलकुद कार्यक्रमलाई भव्य र सव्य रुपमा सम्पन्न गराउन सहयोग गर्ने सम्पूर्ण शिक्षक तथा विद्यार्थीलाई धन्यवाद दिनुभयो ।

विव्यसका अध्यक्ष शिवबहादुर भण्डारीको अध्यक्षतामा सम्पन्न कार्यक्रममा प्रधानाध्यापक गुरुदत्त कोइरालाले स्वागत मन्तव्य र सहायक प्रधानाध्यापक जुना थापाले कार्यक्रमको सञ्चालन गर्नुभएको थियो ।

त्यस्तै शिक्षक अभिभावक संघकी अध्यक्ष विष्णु पन्थ, विव्यसका सदस्य द्धय मीनबहादुर भुजेल र त्रिवेणी पौडेलले अविर लगाएर विद्यार्थीलाई बधाई तथा शुभकामना दिनुभएको थियो ।

साझा गर्नुहोस् : Share It :

आजको खबर

तमु साँस्कृतिक प्रतिष्ठानद्धारा छात्रवृत्ति वितरण

तमु साँस्कृतिक प्रतिष्ठान नेपालद्धारा शैक्षिकसत्र २०८१ को लागि “तमु विद्यार्थी छात्रवृत्ति वितरण कार्यक्रम’ यही असोज ३ गते, बिहीबार पोखरा फिर्केस्थित पोखरा इन्जिनियरिङ कलेजको सभाहलमा सम्पन्न…

अझै पढ्नुहोस्