‘सुस्तरी सुस्तरी’ अभिनयमा छाइन् अनु थापा

‘सुस्तरी सुस्तरी’ अभिनयमा छाइन् अनु थापा

“म जहाँ जान्छु मेरो अभिनयका लागि त्यहीँ कथा पाउँछु”– अनु

मिना थापा मगर पोखरा ।

अनु थापा, अहिलेको चर्चित गीत ‘सुस्तरी, सुस्तरी’ का मोडल हुन् । नेपाली सांगीतिक क्षेत्रका धरोहर सदावहार गायक एस कुमारले उक्त गीतको अभिनयका लागि विगत दुई वर्ष अघि नै अनुलाई प्रस्ताव गरेका थिए । यस अघि अनुले थुप्रै नाटक, लघु चलचित्र, चलचित्रमा र म्युजिक भिडियोमा अभिनय गरिसकेकी छिन् ।

कोही रहरले कलाकार हुन्छन् कोही बाध्यताले । तर अनुलाई यस क्षेत्रमा लाग्न न बाध्यता थियो न त रहर नै । अध्ययनकै शिलशिलामा कलेजमा हुने विभिन्न नाटकसम्बन्धी प्रतियोगिता र वर्कशपमा भाग लिँदै जाँदा आफूले गरेको प्रस्तुति नै उनको लागि एउटा मार्ग बन्यो । उनी भन्छिन्, “त्यो भन्दा अघि मेरो लागि नायक नायिका भनेको त कल्पना बाहिरको कुरा भन्ने लागेको थियो । मैले जीवनमा यसरी कलाकारितामा आउँछु भन्ने सोँच नै थिएन र आफूलाई त्यो क्षेत्रमा सुहाउँछ जस्तो पनि लाग्थेन ।”

गुल्मी जिल्लाको सत्यवती गाउँपालिकाको वडा नं.–३, ठूलोलुम्पेकमा बालापन बिताएकी अनु आफ्नो बुबा आमाको दुई सन्तान मध्येकी जेठी छोरी हुन् । हाल काठमाडौंमा बसोबास गर्दै आएकी अनुको बुबा आमाको चाहाना छोरीलाई नेपालको मर्यादित पेशा ठानिएका सरकारी संघसंस्थाको उच्च ओहदामा पुगोस् भन्ने थियो ।

हाम्रो समुदायमा आम्दानीको लागि यो भन्दा बाहेक अरु पेशा त्यति मर्यादित होइन भन्ने मान्यता छ । त्यसरी नै सुरूसुरूमा अनुको लागि पनि छनोटको पेशा रंगमञ्च थिएन । उनी भन्छिन्, “आमालाई एकदमै नर्सिङ पेशा मन पर्छ । उहाँ आफैपनि स्वास्थ्य सेवामा आबद्ध हुनुहुन्छ । आमाको चाहाना म पनि यहीँ क्षेत्रमा भएँ भने दुवैजनालाई सहयोग हुन्थ्यो भन्ने थियो ।”

काठमाण्डौंस्थित कादम्बरी मेमोरियल कलेजमा ब्याचलर अध्ययन गर्दैगर्दा कलेजसंग सहकार्य गर्ने विभिन्न संघसंस्थहरुको आयोजनामा हुने नाट्य कार्यशालाहरूमा अनुले सहभागिता जनाइन् र विभिन्न नाटक प्रतियोगितामा भाग लिँदै गइन् । सन् २०१६ मा नेक्स्ट मोडल नेपालको आयोजनामा भएको नेशनल एक्टिङ कम्पिटिसनमा प्रथम स्थान हासिल गर्ने कलाकार हुन् अनु ।

त्यसपछि भने अनुलाई व्यवसायिक रुपमा अभिनय क्षेत्रलाई अगाडि बढाउने चाहाना जागेर आयो ।
विगत ५ वर्षदेखि अभियनय क्षेत्रमा लागेकी अनुले भूकम्पमा परी आफन्त गुमाएका र मानसिक रुपमा विक्षिप्त भएका पीडितहरुलाई सहानुभूति स्वरुप मनोरञ्जन दिलाउनको लागि प्रदर्शन गरिएका नाटकहरुमा अभिनय गर्दै आफ्नो कलाकारितालाई तिखार्दै र निखार्दै गइन् ।

आएओएम (International Organizations for Migration) को सहयोग र चेन्ज मिडिया सर्भिस (Change Media Service) को सहकार्यमा प्रस्तुत गरिएको उक्त नाटक ७ जिल्लाको २२ वटा स्थानमा प्रदर्शन गरिएको थियो ।

त्यसैक्रममा न्यु योर्क फिल्म मेकिङ कलेजबाट शर्ट फिल्म बनाउनको लागि नेपाल आएका विद्यार्थीहरुसँग A Year नामक सर्ट फिल्ममा अभिनय गर्ने अवसर जुरयो अनुलाई । जीसन जेमी किमद्धारा निर्देशित उक्त फिल्मले Woodstock Film Festival मा बेस्ट स्टुडेन्ट अवार्ड २०१८ हासिल गर्न सफल भएको थियो ।

कास्कीको धम्पुसमा छायाँङ्कन गरिएको उक्त शर्ट फिल्म अनुको पहिलो प्रोफेशनल शर्ट फिल्म हो । त्यसपछि फिचर लेन्थको अर्को चलचित्र ‘चिनी कम रङ कडा’मा उनले अभिनय गरेकी छिन् भने केही चलचित्रहरु पोस्ट प्रोडक्सनकै क्रममा रहेको उनी बताउँछिन् ।

उनले खेलेको सबैभन्दा चर्चित नाटक ‘खुवालुङ’, जुन मदन पुरस्कार विजेता राजन मुकारुङद्वारा लिखित तथा किरण चामलिङ राईद्धारा निर्देशित किराँती समुदायमा आधारित रहेको छ । काठमाण्डौंको मण्डला नाटकघरबाट प्रदर्शन गरिएको उक्त नाटकमा अनुलाई दुई पात्रको भूमिका निर्वाह गरेको पाइन्छ । यो संगै उनले समुदायमा आधारित धेरै नाटकहरुमा अभिनय गरिसकेकी छन् ।

नाटक र चलचित्रहरुमा अभिनय गर्दाको फरक अनुभाव यसरी सुनाउँछिन् अनु, “नाटक कालाकारको माध्यम हो । एउटा कलाकारले जे प्रदर्शन गर्दछ त्यही नै दर्शकले देख्छ र प्रत्यक्ष दर्शकले जे देख्छ त्यही कलाकार हुन्छ भने फिल्म भनेको डाइरेक्टरको माध्यम हो । उसको भिजनले जे देखेको हुन्छ कालाकारले त्यही गर्नुपर्छ ।”

अनुले बुझेको कलाकारिताको परिभाषा धेरै फराकिलो छ – “जसले जुन ठाउँमा रहेर आफ्नो पेशा, धर्म, कर्म निर्वाह गरिरहेको हुन्छ ऊ नै आफनो जीवनको नायक/नायिका हो ।” त्यस्तैगरी कुनै विशेष लिङ, वर्ग, समुदायमा पनि विभिन्न प्रकारका घटना, परिघटना र पात्रहरु हुन्छन् । त्यसलाई जिवन्त स्वरुप दिन सक्नु नै कलाकारिता हो भन्ने बुझेकी अनु भन्छिन्, “त्यसको भूमिका निर्वाह गर्नको लागि रुप, रङ र उचाई मिलेको हुनुपर्छ भन्ने नहुँदो रहेछ भन्ने कुरा मलाई थिएटर (नाटक)ले सिकायो ।”

अभिनय बाहेक अनु सामाजिक कार्यमा पनि क्रियाशिल छिन् । सन् २०१७ मा स्थापना भएको युथ फाउण्डेसन नेपालको सञ्चालक समेत हुन् उनी । यही पेशाले पनि नेपालका ग्रामिण भेगका समुदायसँग प्रत्यक्ष जोडिएर उनीहरुको अनुभव बटुल्ने र सिक्ने अवसर पाएको बताउँछिन् । यसले झन् आफ्नो कालाकारितालाई थप सहयोग मिलेको बताउने अनुको लागि पेशा र कलाकारिता एकअर्काका परिपूरक बनेका छन् । त्यसैले अनुले आफ्नो पेशा र कलाकारितालाई संगसँगै अगाडि लैजाने अठोट गरेकी छिन् ।

प्रत्येक समुदायको आआफ्नै कथा, व्याथा र पात्र हुन्छ, उनीहरुको आ आफ्नै भोगाई हुन्छ । त्यसैले त उनी जुन समुदायमा पुग्छिन् त्यहाँ उनले कथा र पात्र भेटेकी हुन्छिन् । “म जहाँ जान्छु मेरो अभिनयका लागि त्यहीँ एउटा कथा पाउँछु” भन्ने अनु अरुले नसुनेका र नदेखेका कथा जो प्रत्यक्ष समुदायले भोगिरहेको हुन्छ त्यस्तो पात्रको भूमिका निर्वाह गर्न रुचाउछिन् ।

अहिले उनले गरेको कार्य र पेशाप्रति परिवार सन्तुष्ट छन् । साथै साथीभाइ र आफन्तहरुको न्यानो साथ सहयोग मिलेकोले यो क्षेत्रमा अगाडि बढ्न थप हौसला र आत्मविश्वास बढेको उनी बताउँछिन् ।

साझा गर्नुहोस् : Share It :

أنابيب الخرسانة المسلحة في العراق يوفر مصنع إيليت بايب أنابيب الخرسانة المسلحة المثالية لتحمل الأحمال العالية والظروف القاسية في مشاريع البنية التحتية. تم بناء هذه الأنابيب باستخدام تقنيات التعزيز المتقدمة لضمان المتانة والاعتمادية. كأحد أفضل المصانع في العراق، يضمن مصنع إيليت بايب أن أنابيب الخرسانة المسلحة الخاصة بنا تلتزم بجميع المعايير اللازمة وتوفر أداءً استثنائيًا. لمزيد من المعلومات، قم بزيارة elitepipeiraq.com.

Written by الأنابيب الفولاذية المجلفنة 2024-09-25 00:47:29

أنابيب الرصاص في العراق تُعرف مصنع إيليت بايب كمزود موثوق لأنابيب الرصاص في العراق. على الرغم من الانخفاض في استخدام أنابيب الرصاص في التطبيقات الحديثة بسبب المخاوف الصحية، تحافظ مصنع إيليت بايب على إرثها في توفير أنابيب رصاص عالية الجودة للتطبيقات المحددة التي لا تزال تحتاج إليها. يضمن التزامنا بالموثوقية والتميز أننا نقدم منتجات تلبي أعلى معايير الأداء. للحصول على معلومات حول أنابيب الرصاص لدينا وتطبيقاتها، قم بزيارة موقعنا الإلكتروني على ElitePipe Iraq.