हिमाली साँस्कृतिक परिवारको १०औं अधिवेशन सम्पन्न, अध्यक्षमा पुनः मेनकाजी गुरुङ सर्वसम्मत

हिमाली साँस्कृतिक परिवारको १०औं अधिवेशन सम्पन्न, अध्यक्षमा पुनः मेनकाजी गुरुङ सर्वसम्मत

हिमाली साँस्कृति परिवार पोखराको २२औं वार्षिक साधारणसभा तथा १०औं अधिवेशन आज सम्पन्न भएको छ ।

अधिवेशनले पुनः मेनकाजी गुरुङको अध्यक्षतामा २१ सदस्यीय नयाँ कार्य समितिको चयन गरेको छ । जसको वरिष्ठ उपाध्यक्षमा ज्ञानबहादुर थापा, उपाध्यक्षमा गजबहादुर गुरुङ, सचिवमा श्रीजंग गुरुङ र कोषाध्यक्षमा महादेव न्यौपानेलाई सर्वसम्मतले चयन गरेको छ ।

यस्तै सदस्यहरुमा नितु गुरुङ ए र नितु गुरुङ बि, मिनप्रसाद गुरुङ, मनसुब्बा नेपाली, युवराज गुरुङ लगायतलाई सदस्यमा चयन गरेको छ ।

यसअघि साधारण सभा तथा अधिवेशनको उद्घाटन गर्दै प्रमुख अतिथि एवम् पोखरा महानगरपालिकाका मेयर मानबहादुर जिसीले नेपाली मौलिक लोक संस्कृति र कलाको संरक्षणमा हिमाली साँस्कृतिक परिवारको अतुलनिय योगदान रहेको बताउनुभयो ।

महानगरपालिकाले यसैवर्ष पोखरामा साँस्कृतिक भिलेजको स्थापना गर्ने र जसको लागि परिवारसँग सहकार्य गर्न आफूहरु तयार रहेको बताउनुभयो । सकेसम्म पोखरा नयाँ बजारमा रहेको क्षेत्रिय संग्रहलयलाई नै साँस्कृतिक भिलेजको रुपमा परिणत गर्ने कोसिसमा आफूहरु रहेको र त्यसो हुन नसकेको खण्डमा पोखराबाट नजिकैको कुनै स्थानमा सो भिलेज निर्माण गरिने बताउनु भयो ।

अर्को प्रसंगमा उहाँले अब वृद्धवृद्धाद्धारा सञ्चालनमा आएको होम स्टेहरु बन्द गरिनुपर्ने र नयाँ अवधारणाका साथ अबको होम स्टेहरु सञ्चालन गरिनुपर्ने बताउनुभयो ।

कार्यक्रममा कवि तीर्थ श्रेष्ठले नेपाललाई अन्तराष्ट्रिय जगतमा चिनाउन नेपाली मौलिक कला संस्कृति र साहित्यको राम्रो विकास हुनुपर्ने भन्दै यो कदममा हिमालीले राम्रो काम गर्दै आएको बताउनुभयो ।
परिवारका संरक्षक तथा वरिष्ठ संस्कृतिकर्मी चेतन कार्कीले यो पृथ्वीमा सुर्य र चन्द्र रहुनजेल हिमाली साँस्कृतिक परिवार बाँचिरहोस् भनि शुभकामना दिनुभयो ।

नेपाली लोक संस्कृतिको क्षेत्रमा क्रियशील रहेर विभिन्न साँस्कृतिक कार्यक्रम आयोजना गर्ने तथा नेपाली लोक बाजा एवम् भेषभूषाको संरक्षण गर्दै आइरहेको परिवारले असङख्य रुपमा कलाकारहरुको समेत उत्पादन र बजारीकरण गर्दै आएको छ ।

परिवारका अध्यक्ष मेनकाजी गुरुङको अध्यक्षतामा भएको कार्यक्रममा वरिष्ठ उपाध्यक्ष ज्ञानबहादुर थापाले स्वागत मन्तव्य दिनुभएको थियो भने सचिव श्रीजंग गुरुङले कार्यक्रम सञ्चालन गर्नुभएको थियो ।

साझा गर्नुहोस् : Share It :

BWER Company stands as a trusted name in Iraq’s weighbridge industry, offering innovative designs, reliable installations, and comprehensive support for all weighing requirements.

Written by truck scale suppliers in Iraq 2024-12-05 14:40:24

BWER Company stands as a trusted name in Iraq’s weighbridge industry, offering innovative designs, reliable installations, and comprehensive support for all weighing requirements.

Written by truck scale suppliers in Iraq 2024-12-05 14:40:08

BWER Company stands as a trusted name in Iraq’s weighbridge industry, offering innovative designs, reliable installations, and comprehensive support for all weighing requirements.